SAL7360, Akte: R°160.1 (346 van 667)
Zoek akte
Vorige | Volgende
Akte R°160.1  
Act
Datum: 1467-01-31

Transcriptie

2019-01-27 door myriam bols
Het sijn comen in rechte inde banc voer meye(r) en(de) scepen(en) van/
loven(en) henric van baex in deen zijde ende gheert vande(n) bruele/
die uut machte van scepen(en) brieve(n) van loven(en) ze(re) oudt va(n)/
date bekint bij daneel wilen van baecx voer meye(r) ende/
scepen(en) van loven(en) te voe(re)n uut [lambrechts] sijns vaders brode gedaen/
zijnde gegoedt en(de) gheerft es in drie boend(ere)n bosch oft dair/
omtri(n)t gelege(n) inde prochie va(n) cortenake ter plaetsen/
geheete(n) tassenrode neve(n) den bosch des goidsh(uys) va(n) vlierbeke/
in dande(re) Alse vand(en) selve(n) drie boend(ere)n bosch die/
de vors(creven) henric aensprac seggende ende voirt settende/
dat hem die van sijne(n) outvord(er)s wae(re)n bleven en(de) dat/
zijn vord(er)s voe(r) en(de) hij nae d(air) af hadde(n) gehadt possessie/
ende dat hem die oec met vo(n)nisse bynne(n) cortte(n) jaren/
h(er)wart tegen den vors(creven) lambrechte vand(en) bruele vader/
des vors(creven) gheerts wae(re)n toeges toegewijst meynende bij/
dien en(de) meer ande(re)n reden(en) bij he(m) geallig(eer)t dat hem/
die blive(n) en(de) volge(n) soude(n) Vanden welk(en) de vors(creven) gheerd/
hielt de (contra)rie en(de) meynde bij seke(re)n besceide dat hij/
inleyde gepasseert bij machiele wijle(n) van baecx des/
vors(creven) henrix vaders en(de) bij seke(re)n possessien die hij van/
zijne(n) vord(er)s inleyt te thoene(n) en(de) meer bescheyts bij hem/
hier toe gheallig(eer)t dat hem en(de) sijne(n) scepen(en) brieven/
de vors(creven) drie boend(ere)n bosch volge(n) soude(n) en(de) sculdich wae(re)n/
te volge(n) Daer ten uut(er)sten nae aensprake v(er)antw(er)d(en)/
en(de) thoenisse van beyden p(ar)tien de he(re)n scepen(en) van loven(en)/
gemaent vand(en) meye(r) vo(n)nislijc gewijst hebbe(n) met volgen/
gevolghe dat zij de sake ende p(ar)tien van des(er) questien/
sedtten van hen ter plaetsen daerse behoirde recht te/
gheven ende te nemen cor(am) scabinis in sca(m)pno ja(nuarii) ulti(m)a
Nagekeken doorMi-Je Van Gils
ModeratorMi-Je Van Gils
Laatste update:: 2016-06-15 door Xavier Delacourt