Item vanden gescille(n) en(de) questien opverstaen tusschen gielen de/ kempene(re) in deen zijde en(de) coenrart van schoenvorst bastart in/ dande(re) alse van zeke(re)n hanteringen die zij samentlic gehadt/ hebben doen de bastart van bossuyt gequetst wairt en(de) des dair/ aen cleeft hebben hen de selve p(ar)tien verbonden en(de) gesubmittert/ in segge(re)n en(de) vriendelike effene(re)n Te weten de vors(creven) gielen/ in gielise en(de) gorde hanckart gebruede(re)n en(de) de vors(creven) coenrart/ in laureise van wynge en(de) hugen van udekem voirspreke/ in zulker vueghen dat de vors(creven) gielen bynnen viii daghen/ naestcomen(de) zijn gebrec overgheven sal in gescrifte [en(de)] bynne(n)/ viii dagen dair na sal de vors(creven) coenrart zijn verantwerden/ insgelix in gescrifte overgheven Dair op zij thoenesse horen/ sullen ofs behoeft bynnen viii dagen vervolgen(de) en(de) hue(r) uut/ sprake op dat zijs eensworden dair af doen bynnen viii/ dagen dat dair na vervolgen sal Ende of zijs/ niet en overquamen zoe zullen de seggers eenen/ overman nemen dien hen gelieft die zijn uutsprake/ dair af doen sal bynne(n) xiiii nachte(n) d(air) na volgen(de) Promitt(entes)/ ratu(m) Et oft p(ar)tien segge(re)n gebraken dat zij in die stat/ and(er) gelike sullen nemen meld(er)t berghe aprilis xxiii