It(em) om dat jan van wynghe vleeschouwe(r) voirmaels int jair xiiii[c]/ xxxvi xviii daghe in mey cocht ende gecreech met loven(sche) br(ieven)/ op zeke(re) goede te nederhespen gelegen janne wijle(n) m(er)tens toebehoiren(de)/ vier loven(sche) pet(er)s tsjaers erfrenten ende hij de br(ieven) van desen nae/ de doot zijns wijfs ghemist heeft niet weten(de) wair hem die(n)/ ontdoelt oft ontkeert mochten wese(n) daer af tprotokol in deser/ came(re)n steet opden datu(m) voirs(creven) den rade vander stadt v(er)socht/ heeft te vele stonden datme(n) hem reformacie der voirs(creven) brieve(n)/ doen soude gemerct dat hij die versuemelijck hadde verlore(n) en(de)/ de voirs(creven) rente altijd gehave(n) totten tween lesten payme(n)ten hem/ vander selver renten verschene(n) ende de stadt op hede(n) h(ier) o(m)me/ voir hue(r) bescr(even) heeft m(er)ten m(er)tens die de(n) meeste(n)deel vanden/ onderpanden der selver renten besidt hem versueken(de) dat hij/ den voirs(creven) janne van wynghe betalinge zijnre voirs(creven) renten/ doen soude alsoe hij een lange wile van jae(re)n hadde gedaen/ Soe eest dat op heden bijden rade vander stadt met volle(n)/ gevolghe overdragen ende get(er)mineert is nae dat de voirs(creven)/ m(er)ten kynde dat hij hielde den meeste(n)deel d(er) voirs(creven) ond(er)pande/ ende dat hij oec de voirs(creven) rente vele jae(re)n ende alsoe lange/ hij die onderpande hadde gehoude(n) den voirs(creven) janne die hadde/ betaelt ende niet en alligeerde e(n)nige quitinge d(air)af gedae(n) te/ zijne ende de rente tot gheenre quitinge(n) en steet soe v(er)re/ de voirs(creven) jan van wynche den eedt dade dat de voirs(creven) br(ieven)/ hem versuemelijck oft met opsette ontkeert oft onghereedt gemaect/ waren ende datter gheen argelist in en scuylde Welke(n) eedt/ hij volcomelijck dede dat men hem dan de br(ieven) vand(er) voirscr(even)/ renten reforme(re)n soude uuyten protocolle ende dat die dan/ altijt onder de wet soude(n) blive(n) behalve(n) hem zijne(n) behulpe/ van rechte dair mede om In gevalle oft de oude br(ieven) namaels/ vonden worden ende voir oge(n) quame(n) datme(n) dan die ge(re)formeert/ te nyeute doe(n) soude Ende hier op betaelde de voirs(creven) m(er)ten/ m(er)tens den voirs(creven) ja(n)ne van wynghe de rente lestwerf gevalle(n)/ en(de) vande(n) ande(re)n jae(re)n die de(n) voirs(creven) ja(n)ne gebrake(n) d(air)af beteech/ hij de(n) voirs(creven) m(er)ten dat he(m) de selve m(er)ten toesegge(n) en(de) geloofte
//
hadde gedaen dair jegen de selve m(er)ten zijne(n) eedt p(rese)nteerde/ te doene die hem de voirs(creven) jan ter begheerten vander wet/ verdroech Actum in pleno consilio maii sexta