Vanden ghescillen die hanghen tussce(n) bertelmeeuse va(n) nodevoirt in deen/ zijde ende henrike couwens en(de) denise van kinckem geheete(n) tshazen in/ dande(re) om der sculden wille en(de) gebreken die de voirs(creven) p(ar)tien in wed(er)ssijde(n)/ deen dande(r) moigen eysscen hebben hen de selve p(ar)tien gesubmitteert/ in segge(re)n ende vriendelike yffene(re)n Te wete(n) die voirs(creven) bartelmeeus/ in lambrechte neckers ende wout(ere)n speelma(n)s en(de) de ande(re) p(ar)tie vors(creven)/ in janne couwens ende bertelmeeuse huge(n) in sulker vueghen/ dat de vors(creven) segge(re)n informacie van p(ar)tien rechte sulle(n) neme(n) en(de)/ hue(r) eendrechtige uutsprake doen tusscen dit en(de) halfvasten(en) naistco/ men(de) met sulk(er) vuege(n) ofts de vors(creven) segge(re)n niet verdrage(n) en conste(n)/ soe sulle(n) zij bynne(n) xiiii nachte(n) daer nae come(n) en(de) bringe(n) de questie/ in gescrifte voer scepen(en) van loven(en) en(de) halen een vo(n)nisse om den/ wijn Promitt(entes) rat(um) met vuege(n) oft p(ar)tien e(n)nich van hue(re)n segge(re)n/ gebrake dat sij in die stat eene(n) ande(re)n gelik(en) p(er)soen soude(n) moige(n)/ neme(n) cor(am) naus(nydere) hoeve(n) januar(ii) ultima