Item uut dien dat jouffruwe odilie weduwe henricx/ wilen vilters welc henric over vele jae(re)n voir de/ so(m)me van vijftich hollan(sche) guld(en) erflic come(n) is ende/ met scepen(en) brieven van lov(enen) geleit tot allen den ombe/ ruerliken goeden en(de) erfgoeden arnts wilen vanden/ houte sone he(re)n jans wilen vanden houte ridders zund(er)/ linghe te woestmeerbeke en(de) dair omtrent ghelegen/ in woeni(n)gen huysen hoven wynnen(de) lande beempden/ eeuselen bosschen chijsen renten erfpachten en(de) allen ande(re)n/ toebehoirte(n) onlanx der stat brieve verworve(n) heeft
//
aenden meye(r) van woestmeerbeke vors(creven) dair mede den selven/ gescreven en(de) vand(er) stat wegen versocht is alle de/ opcomi(n)ge proffite(n) en(de) vervallen vanden goeden ende/ heerlicheiden vors(creven) met hue(re)n toebehoirten die hij oft/ ande(re) sijn onderseten onder oft in handen mochten hebben/ verschenen oft te verschijnen van dan vortaen over [te] leve(re)n/ en(de) peyselic souden doen volgen d(er) vors(creven) weduwe(n) totter/ tijt dat zij van hue(re)n achterstelle d(er) vors(creven) renten hair/ nu gebreken(de) zoude zijn vernueght Bij also oft de vors(creven)/ meye(r) e(n)nige vanden vors(creven) officie(re)n rentmeeste(re)n pechtene(re)n/ oft ande(re) wie die wa(r)en die hen der vors(creven) goede onderwoude(n)/ dair tegen yet seggen woude(n) oft hen tegen de vors(creven) brieve/ oppone(re)n dat zij des op heden int recht voir meye(r)/ en(de) scepen(en) van loven(en) wa(r)en comen En(de) op heden voir/ meye(r) en(de) scepen(en) van lov(enen) comen es inde banc her/ mathijs mu(n)te(re) canonc van thienen met volcomend(er)/ procuracien vander voirs(creven) weduwen versuekende betalinghe/ der vors(creven) renten te hebben en(de) te procede(re)n oft zijn vors(creven)/ p(ar)tien quamen en(de) oftse niet en quamen na dat hij boot te/ thoene(n) metten secretar(is) dat de vors(creven) brieve gescreven/ wae(re)n inder maten als vors(creven) is en(de) metter stat bode bewees/ dat die gedragen wae(re)n aend(en) meye(r) vors(creven) so v(er)socht/ hij datmen hem dan hielde vanden vors(creven) renten inde/ macht van zijnen beleide en(de) scepen(en) brieve(n) vorg(eruert) Hier/ op wert bijden he(re)n scepen(en) van lov(enen) die den vors(creven) secret(aris)/ en(de) bode verhoirden ten uutersten gewijst met vonnissen/ ter manessen smeyers mits der contumacien d(er) p(ar)tien/ vorg(enoemt) wair zij niet en quame(n) ten opstane smeyers en(de)/ der scepen(en) datmen den vors(creven) he(re)n mathijse inden name/ der voirs(creven) weduwen vand(en) voirs(creven) renten opde voirs(creven) ond(er)/ pande houden zoude inde macht van hue(re)n voirs(creven)/ beleide en(de) scepen(en) brieven also verre dat noch/ voir scepen(en) was comen P(rese)ntib(us) scabinis in scampno/ dempto borchoven junii xi