Tvonnisse vanden gedinghe dat voir meye(r) en(de) scepen(en) van loven(en)/ geweest is tusschen (christ)inen weduwe arnts wilen robbijns/ welc arnt van int jair xiiii[c] xlviii ix dage in decembri uut/ machte van eenen beleide gedaen pete(re)n van dongelberghe/ natuerlic opde goede peters van dongelberge zijns vaders/ vand(er) daet xiiii[c] xlv febr(uarii) xv gegoet en(de) gheerft is in zeke(re)/ goede en(de)erfpachte des selfs wilen peters svaders/ tyncourt en(de) dair omtrent gelegen om d(air) met te v(er)halen/ aende selve goede inde selve guedinge begrepen drie mudd(en)/ corens tsjars erflic also de condicie staende onder de selve/ guedinge uutwijst in deen zijde en(de) henricke mailcorps/ die bij eender guedingen voir hof en(de) here vanden vorscr(even)/ goeden en(de) erfpachte gedaen int jair xiiii[c] xlvi in julio/ vanden vors(creven) pete(re)n natuerlic inde selve goede en(de) erf/ pachte gegoet is geweest in dande(re) Aldair de vors(creven)/ weduwe hue(r) vors(creven) scepen(en) brieve van loven(en) metter condicie(n)/ vors(creven) dair onder staende exhibeerde meynen(de) dat hair/ aende selve goede en(de) erfpachte na begrijp d(er) condicien/ vorg(eruert) hue(re)n vors(creven) erfpacht volgen zoude want zij boot/ te bewijsen dat zij den vors(creven) arnde na staet d(er) heyliger/ kercken getruwet hadde [en(de) dat tbeleit d(air)? hair guedinge uutgespruyt was ouder was dan des vors(creven) henricx guedinge] Vanden welcken de vors(creven) henric/ mailcorps hielt de contrarie en(de) seide want collart wilen/ de roux zijn sweer de vors(creven) guedingen voir hof en(de) here/ hadde ontfangen also zijn brieve uutwisen en(de) voir en(de)/ eer de vors(creven) wilen arnt robbijns zijn guedinge vorg(eruert)/ ontfangen hadde zoe hoopte hij dat de vors(creven) (christ)ine/ aen zijn goede verdoolt ware want hij boot te thoenen/ in behulpe zijnder vors(creven) guedingen dat de vors(creven) collart/ sijn zweer voir en(de) hij als momboir sijns wijfs na
//
altijt zeder der vors(creven) zijnder guedingen de hanteringe ende/ possessie der vors(creven) goede hadde gehadt als van hue(re)n prope(re)n/ erve zonder dat de getuygen wisten dat de vors(creven) wilen/ arnt robbijns oft de zijne noyet callangie dair op hadden/ gemaect oft e(n)nigen erfpacht gew gheeyst Boot vort/ te thoenen metten wethoude(re)n van incourt dat zijn/ brieve en(de) guedingen die hij exhibeerde gepassert en(de)/ gemaect wae(re)n met allen pointen van rechte na hue(re)r/ banc recht en(de) dat zijn wijf was wettige dochter en(de)/ e(n)nige erfgename des vors(creven) wilen claus zijns zweers/ Op dwelc beide de voirs(creven) p(ar)tien werden gewijst tot hue(re)n/ bethoene dair de vors(creven) (christ)ine exhibeerde de voirscr(even)/ guedingen metter vors(creven) xr condicien en(de) thoende vort/ dat zij den vors(creven) arnde getruwet hadde [en(de) des sij h(ier) vort v(er)meten hadde] en(de) de vors(creven) henric/ mailcorps thoende de pointe(n) vors(creven) also hij hem [die] vermeten/ hadde Dair op ten uutersten bijden he(re)n scep(enen) van lov(enen)/ ter manessen smeyers na aensprake verantweerden/ en(de) thoenesse van beide den vors(creven) p(ar)tien gewijst was met/ vo(n)nissen bijden he(re)n scepen(en) van loven(en) dat de voirscr(even)/(christ)ine met hue(re)n scepen(en) brieve(n) vors(creven) verdoolt was/ also verre alst noch voir hen come(n) was P(rese)ntibus o(mn)ib(us)/ scabinis in scampno dempto borchoven junii xi