Also als huben mattelot als gemechticht voir janne tomburs/ van hoye te rechte betogen heeft colarde le provost seggende/ dat de vors(creven) jan tombours den selven colarde aengesproken hadde/ voir de stat van thienen en(de) hem verwonnen voir de so(m)me van/ iiii leeuwe gelijc de selve stat van thienen dat alhier met hue(re)n/ open(en) placcate certificeerde soe begheerde de vors(creven) hubin dair/ af betaelt en(de) vernueght te worden oft dat hij tegen hem te rechte/ quame voir meye(r) en(de) scepen(en) van thienen also hij sculdich was/ te doen nader termijnacien ald(air) geschiet dair op hij seide dat/ hij den here volghde en(de) meynde d(air) om vry te zijne en(de) te vare(n)/ en(de) te vlieten ongehacht en(de) ongehouden van yemande Wair op/ uutgesproken en(de) get(er)mijneert is bijden raide vand(er) stat dat de/ vors(creven) collart den vors(creven) hubijn als procur(eur) des vors(creven) jans de vors(creven)/ iiii leeuwe betalen en(de) vernuegen sal oft dair af trecken te/ rechte voir meye(r) en(de) scepen(en) van thienen act(um) in pleno (con)silio/ sept(embris) xvii