Item want lonijs van udekem als geleit ov(er) lanc na des(er) stat recht/comen en(de) beleit is geweest tot allen den goeden have en(de) erve/ willems vand(er) hofstat en(de) jouffr(ouwe) lijsbetten vand(er) rivie(re)n zijns wijfs/ hem metten scrijven vand(er) stat voir zijn wettich gebrec dat/ hij opde vors(creven) gehuyssche spreken(de) hadde hem hadde doen leve(re)n/ de goede d(er) selver gehuyssche gescreve(n) ind(er) cedullen hier na d(air)/ aen hem de selve gehuyssche ongebruyc deden en(de) op heden dach/ va(n) rechte hadden aldair zij niet come(n) en zijn Soe hebben de/ vo(n)nissen der scepen(en) van loven(en) ter manessen smeyers gewesen/ dat men den vors(creven) lonijse houden sal inde macht van zijne(n) vors(creven)/ beleide vanden selven goeden zoe verre dat noch voir/ hen comen is p(rese)ntib(us) o(mn)ibus scabinis dec(embris) xviii/ Dit zijn de goede/ Item inden yersten ii boend(er) lants geleghen opt cortbekevelt/ tusschen gielise van berthem op deen zijde en(de) gorise vranx/ Item vii dachmale lants gelegen neven doude strate tussche(n)/ der kynder lant van meerbeke Item vii boend(er) lants/ geleghen aldair in twee stucken comen(de) aende wolfstrate/ en(de) aende dweerse hage Item iii(½) dachmalen lants/ ghelegen op tomvelt tusschen den wech aldair op deen zijde/ en(de) den kynde(re)n van meerbeke item twee boend(er) beemps/ gelegen tusschen gorise vranx beempt op deen zijde en(de) willem(me)/ vand(er) hofstat bruel op dander zijde Item een dachmale/ bogarts gelegen tusschen den vors(creven) willem(me) en(de) gorise vranx/ Item een bloc gelegen tusschen gorise vranx bloc op deen/ zijde en(de) floren vincx kynde(re) Item ix dachmale bosch/ gelegen tusschen de loe bosch in deen zijde d(er) kynde(re) smets/ lant op dand(er) en(de) jans maes lant Item een bloc/ metten wijngarde tusschen willems lant vand(er) hofstat op/ deen zijde en(de) roelof vranx bosch op dand(er) Item twee/ p(er)de metten getouwe een ploech en(de) i wagen Item x/ bedden met huer(er) toebehorten Item xii kussen(en) sittecleren/ en(de) sargien viii potte vi pannen ii dossijnen tynne(n) scotelen/ i dossijne dobbelie(re) vi tynnen quartpotte iiii sidelen iii/ scrijnen iii tafelen It(em) diverse bencke en(de) ald(er)hande cleyne(n)/ huysraet