SAL7360, Akte: V°187.1-R°188.1 (408 van 667)
Zoek akte
Vorige | Volgende
Akte V°187.1-R°188.1  
Act
Datum: 1467-02-25

Transcriptie

2019-02-10 door myriam bols
Allen den genen die dese l(ette)ren selen sien oft hoire(n) lesen/
burg(er)meeste(re)n scepen(en) en(de) raet der stad van loeven(en) saluit doen/
te wete(n) dat opden dach datu(m) van desen voir ons comen is/
in p(ro)pren p(er)sone gheram bote woenen(de) te bruessele ende heeft/
geconstituert gesedt volcomen macht p(r)cu(ra)cie en(de) auc(tori)teyt gegeve(n)/
janne vanden hove nu ter tijt ond(er)meye(r) te loeven(en) zijnen zwagh(er)/
jacop hoze pete(re)n beyart en(de) henr(icke) hanckart oft den eenen/
van hen bringe(r) sbriefs alle en(de) yegewelke alsulke(n) sake(n) q(ue)stien/
ende gescillen alse de voirs(creven) gheeram alsnu uutstaende hebbe(n)eft/
of namaels uutstaende hebbe(n) soude moege(n) voir wat gerichte/
gheestelijc oft weerlijc dat dat zijn oft geboire(n) mochte Alle/
des voirs(creven) gheerams jaergulden opcomi(n)gen en(de) v(er)valle(n) goede/
beruerlijc en(de) onberuerlijc chisen rente(n) erfpachte(n) als de voirs(creven)/
gheeram heeft oft hem namaels valle(n) sele(n) inde(n) lande va(n) brab(ant)/
oft elde(r) te wat plaetsen dat hij die uutstaende heeft oft/
namaels hebbe(n) mochte inden lande va(n) brabant in e(n)iger manie(re)n/
Te verware(n) te mane(n) teysscen op te bue(re)n en(de) tontfange(n) jege(n) oft/
aen wat p(er)sone dat dat zijn mach dair voir te panden te/
daghen te beleyde(n) rasteme(n)te te doen legge(n) die met rechte/
texeq(ue)ren te v(er)volgen en(de) te vorderen alle scepen(en) brieve met/
rechte te vo(n)nissen en(de) vorderinge d(air) af te neme(n) en(de) te doene/
na costume gewoente(n) en(de) usagien vande(n) plaetsen dair dat/
behoire(n) sal oft behoeve(n) soude moege(n) en(de) ofts noot geboirde/
voir alle richte(re)n gheestelijc en(de) weerlijc met rechte alle/
des voirs(creven) gheerams sake(n) te (con)teste(re)n te decline(re)n te excipiere(n)/
te reco(n)veniere(n) te v(er)antwerde(n) te bescudden te bedinge(n) te wynne(n)/
te verliesen alle gescrifte(n) en(de) libelle(n) over te gheve(n) en(de) te neme(n)/
te replice(re)n te duplice(re)n also wale int p(ri)ncipael als int accessoir/
alsoe dicwile en(de) menichwerve(n) als des te doen zijn sal ge/
tuge(n) met rechte bedwonge(n) te werde(n) tot huerre deposicie die/
te leyde(n) der wed(er)p(ar)tie(n) getuge(n) te zien zwere(n) die te battere(n)/
hue(r) deposicie(n) te wederlegge(n) also dicwile en(de) menichwerve(n)/
alst behoire(n) ende behoeve(n) sal allet des voirs(creven) steet alsoe wel/
donberuelike goede chise rente(n) pachte(n) voirg(eruert) als anders met/
rechte te wynne(n) en(de) te v(er)liesen de sake(n) bij beroepe oft appellacie(n)/
te moege(n) v(er)volgen de vo(n)nissen van dien en(de) allen ande(re)n des
//
voirs(creven) gherams (con)stitucie(n) aengaende te v(er)wachte(n) tgewijsde te ver/
volgen endete doen exeque(re)n composicie ende mynlike yffeni(n)ge van al des voirs(creven)/
is te maken den sculders van des zij oft e(n)nich van hen ontfange(n) sele(n) te/
quitere(n) ende volcome(n) quitan(cie) te gheve(n) Ende voirt all des voirs(reven) gheerams/
goede beruerlijc en(de) onberuerlijc chise rente(n) en(de) pachte(n) hoedanich die zijn/
in al oft in deele te verpachte(n) te hantplichte(n) te verhuere(n) en(de) met jaerscare(n)/
uut te gheve(n) en(de) allet te(n) meeste(n) orboe(r) en(de) proffite des voirs(creven) gherams/
ende dair af alle behoirlike ende behoeflike vestich(eit) en(de) zekerh(eit) te doene/
ende voirtane generalijc en(de) specialijc dair inne te doene en(de) te vorde(re)n/
allet des de voirs(creven) gheram doen ende vorde(re)n soude moegen waert dat/
hij telker tijt ende plaetsen jegewoirdich en(de) voir oegen waren Ende soe/
wes bij den eene(n) der voirs(creven) p(ro)cur(eur)s in e(n)nich des voirscr(even) steet begonne(n)/
oft inne gesteken sal werden van rechtvorderinge(n) oft anders dat dat/
dande(r) van hen sal oft sele(n) moege(n) middelen volynden voirts vorde(re)n/
late(n) compone(re)n oft v(er)volge(n) sonder yemants wedersegge(n) Gelovende/
voir ons in goeden trouwen de voirs(creven) gheram op de verbintenisse/
van allen zijn goede jeg(ewordich) en(de) toecomen(de) v(er)crege(n) en(de) te v(er)crigen(e) ber(uerlijc)/
en(de) onber(uerlijc) hoedanich die zijn waer die belege(n) zijn oft gevonden/
moegen werden goet vast gestentich o(n)v(er)brekelijc en(de) va(n) weerden/
te houden allet des bij de(n) selve(n) p(ro)cur(uer)s oft den eene(n) van hen in/
des voirscr(even) steet e(n)nichssins gedaen gep(ro)cureert en(de) gevordert sal/
werden behalve(n) dat de voirs(creven) p(ro)cur(eur)s en(de) elc van hen de(n) voirs(creven)/
gheeram sculdich selen zijn van desen hue(re)n bewynde al(ijt) t(er) manisse(n)/
des selfs gherams goede rekeni(n)ge besceyt en(de) bewijssenisse te/
doene alsoe dair toe behoirt des torconde febr(uarii) xxv
Nagekeken doorMi-Je Van Gils
ModeratorMi-Je Van Gils
Laatste update:: 2016-06-15 door Xavier Delacourt