It(em) peter me(n)nekens woenen(de) te dormale die met scepen(en) br(ieve) van loven(en)/ sculdich is jairlijcx lijsbetten vander capellen die wijf is gheldolfs/ slechtwercx i(½) rijders ende ii derdel van eene(n) rijder lijftochte(n) vallen(de)/ jairlijcx te lichtmesse oft dair omtrent heeft geloift dat hij die/ selve lijftocht jairlijcx gevallen zijnde betalen ende uuytreycken sal/ tot d(er)re tijt toe dat de voirs(creven) scepen(en) br(ieve) v(er)nuecht ende nae inhoudt/ der selver voldaen selen zijn Ende de voirs(creven) gheldolf heeft geloft/ wed(er)om den voirscr(even) pete(re)n oft aleydt comans die de voirs(creven) scepen(en) br(ieve)/ onderheeft gehadt den selven eenigen cost oft last dair om aendede/ dat hij dair af instaen sal ende den voirs(creven) pete(re)n scadeloes en(de) costeloes/ ontheffen ende voirt dat hij dese lijftocht niet en sal doen aflegge(n)/ noch pant eysschen soe langhe hij wel betaelt maer hij saelt moge(n)/ afleggen alst hem gelieft cor(am) eisd(em)