Vander questien die voir meye(r) en(de) scepen(en) van loven(en) gehange(n) heeft/ tusscen janne vander eycken in deen zijde en(de) willem(me) de nausnydere/ in dande(re) die beyde onlanx op eene(n) dach met scepen(en) brieve(n) van/ loeven(en) geleit sijn totten goeden have en(de) erve jans wilen de clerc/ dair de vors(creven) willem de nausnyde(re) gemeynt heeft dat hij met sijnen/ beleide voirgaen soude oft dat hij hem de vors(creven) jan vander eycken/ sculdich wae(re) aentespreken want desselfs jans vand(er) eycken beleit/ was bij den lieuten(ant) vand(en) meye(r) en(de) alse de meye(r) inde stat was/ gedaen vand(en) welken de selve jan vand(er) eycken bieden(de) te thoene(n)/ metter wet [en(de)] secretar(is) dat sijn beleit nae recht gedaen was ende/ voe(r) den beleide des vors(creven) wille(m)s Hebben de scepen(en) van loeven(en)/ int gemeyne aengehoirt hebben(de) hue(r) mede gesellen en(de) den secretari(is)/ die over des vors(creven) jans vand(er) eycken beleit wae(re)n en(de) claerden/ dat desselfs jans was voe(r) noene gedaen en(de) des vors(creven) wille(m)s nae/ d(er) noene(n) hebben geweesen met vo(n)nisse de scepen(en) van loven(en) t(er) maniss(en)/ smeyers gelieft den vors(creven) willem(me) den vors(creven) ja(n)ne en(de) sijne(n) beleide aen/ te sprek(en) dat hij dat doen mach met rechte p(rese)nt(ibus) scab(in)is in sca(m)pno demp(to)/ berghen oct(obris) xxv