Item willem zwaufs ter eender zijden en(de) lijsbeth eveloge weduwe/ henricx wilen zwaufs ter ande(re) in p(rese)ncia hebben hen gesubmitteert/ vanden stote die zij underlingen hebben om der schout des voirs(creven)/ wilen henricx en(de) wilen beatris zwaufs moeder der voirs(creven) gebrued(eren)/ en(de) van allen ande(re)n sculden die zij deen metten ande(re)n tot desen dage/ toe mogen hebben uutstaende uutgescheiden van scepen(en) brieven inde/ eendrechtige uutsprake Te weten(e) de voirs(creven) willem in janne beecma(n)/ en(de) jasp(er) van overwynge ende de voirs(creven) lijsbeth in janne ouderogge/ en(de) jacope hozen die informacie en(de) getuygenisse in wedersijde/ aenhoe(re)n zullen bynnen xiiii nachten naestcomen(de) en(de) hue(r)/ uutsprake dair af doen bynnen xiiii nachten d(air) na ende/ hebben p(ar)tien in wedersijde overgegeven wes deen van hen oft/ dande(r) met eenen mans p(er)soen al wa(r)e die oic bastart getuygen/ can dat dat van weerden zijn sal Promitten(tes) ratu(m) en(de) oft/ p(ar)tien zegge(re) gebrake dat zij in die stat ande(re) zullen moghen/ nemen cor(am) lyemi(n)gen nethen(en) januarii ii