SAL7361, Act: V°205.1 (430 of 504)
Search Act
previous | next
Act V°205.1  
Act
Date: 1468-05-02

Transcription

2019-09-01 by myriam bols
It(em) henr(ic) vand(en) veken(en) sone wijle(n) henr(ix) in p(rese)ncia heeft/
gekint en(de) gelijt dat he(re) bouwe(n) van glymes gh(eer)t va(n)/
crehain yngelbrech van geld(ena)[ke] en(de) ja(n) ha(n)narde volcomel(ijc)/
voldaen v(er)nuecht en(de) te vrede(n) gestelt hebbe(n) vanden/
derdendeele vander zoenen die zij va(n) wege(n) giel(ise) del/
tom en(de) zijns hulp(er)s gemaect hadden mette(n) voirs(creven) hen(ricke)/
gh(eer)de en(de) gielise vande(n) veken(en) zijne(n) bruede(re)n vande(n)/
dootslaghe willems wile(n) vand(en) veken(en) brued(er)s d(er) voirs(creven)/
gebruede(re)n bij de(n) voirs(creven) giel(ise) en(de) zijne(n) hulp(er)en va(n) live/
t(er) doot bracht en(de) voirt va(n) alle(n) de(n) rechte en(de) actie(n)/
die de selve henr(ic) in de selve zoene meer dan deen/
derdel mochte hebben Scelden(de) d(air) af volcomel(ijc) quite de(n)/
voirs(creven) giel(ise) zijne(n) hulp(er)e de(n) voirs(creven) vier p(er)sone(n) en(de) alle/
andere des quitan(cie) behoeven(de) Gelovende de selve p(er)sone/
va(n) des voirscr(even) steet d(air) af [nu noch] ne(m)m(er)meer te vexere(n) te moeyen/
noch aen te spreke(n) bij hem selve(n) noch bij nyemande anders/
in gheene(n) rechte gheestelijc noch weerlijc mair h(ier) af jege(n)/
eene(n) yegeliken inne te stane recht warant te zijn en(de) te/
blive(n) tot ewige(n) dage(n) cor(am) roelants oud(erogghe) maii s(ecund)[a]
ContributorsMi-Je Van Gils
Moderated byMi-Je Van Gils
Last update: 2016-07-19 by Jos Jonckheer