Allen den ghenen die dese l(ette)ren sullen sien oft horen lesen burg(er)meest(ere)n/ scepen(en) en(de) raide der stat van loven(en) doen cont dat opden dach van heden/ voir ons comen is lijsbeth andries dochter wilen gielis andries/ en(de) heeft geconstitueert volcomen macht procuracie et auctoriteit/ ghegeven meester clause de dreysschere en(de) janne oeghe oft den/ eenen van hen om op gielise en(de) janne de roide gebrued(er)s/ sone jans sroiden met rechte te vervolghen [en(de)] de vesticheit van/ hen tot behoef d(er) vors(creven) lijsbetten te hebben van twee mudden/ corens d(er) maten van loven(en) der vors(creven) lijsbetten te betalen also/ lange zij leven sal en(de) niet langer na uutwisen en(de) begrep/ vanden appointemente gemaect tusschen den selven p(ar)tien/ bijden rectoir der universiteit van loven(en) Gelovende de/ selve lijsbeth goet vast gestentich ende van weerden te/ houden wes bijden vors(creven) procur(eur)s oft den eene(n) van hen/ in des vors(creven) is gedaen en(de) gevordert sal worden in e(n)niger/ manie(re)n sept(embris) ultima