It(em) jan ty(m)mermans woenen(de) te cortenake in p(rese)ncia heeft gehuert en(de)/ bekint dat hij gehuert heeft tegen he(re)n lenarde van gryboval abdt/ des godshuys van vlierbeke die watermolen des selfs goidshuys/ gelijc die belegen es te cortenake vors(creven) t(er) plaetsen geheete(n) te co(p)penrode/ met allen den toebehoirten Te houden en(de) te hebben van kersmisse/ naestcomen(de) eenen t(er)mijn van vier jae(re)n v(er)volgen(de) Elx jaers d(aer)enby(n)ne(n)/ om en(de) voe(r) driendertich mudden rocx goet en(de) payabel d(er) maten van/ diest alsulx alse de vors(creven) molen jairlix wynne(n) sal deen helicht/ jairlix s(in)[t] jansmisse bap(tis)[te(n)] en(de) dander helicht te kersmisse te betalen/ en(de) inde vors(creven) molen te leve(re)n den vors(creven) ende oic om en(de) voe(r) vive(n)/ twintich pont was elx jairs te geve(n) en(de) te leve(re)n tsinte remeysmisse
//
alle jae(re) den vors(creven) t(er)mijn due(re)nde mijne(n) he(r) abt oft zijne(n) p(ro)cur(eur) te(n)/ tide zijnde quol(ibet) ass(ecutu)[m] It(em) sal de vors(creven) molde(r) vand(en) vors(creven) t(er)mijne/ van kersmisse jairlix mote(n) betalen alsulk(er) elf mudde(n) corens als de selve/ molen jairlix sculdich es te wete(n) de iiii mudde(n) dair af de(n) cloeste(r)/ van rothe(m) m(ijns) gened(ichs) he(re) ii mudde(n) cornelise vand(er) aa ii mudde(n) de(n)/ heilighe gheest van halen ii mudde(n) en(de) de helighegheest va(n) corte/ nake een mudden d(air) af welke xi mudde(n) den selve(n) molde(r) jairlix/ vand(en) t(er)mijne van kersmisse vors(creven) gecort selen wordde(n) Behalven/ datse de wy(n)ne [molde(r)] soe in tijts betalen sal dat de selve goede d(air) bij niet/ beschadicht en blive(n) It(em) sal de vors(creven) molde(r) jairlix de(n) vors(creven)/ t(er)mijn due(re)nde de vors(creven) molen moten houde(n) tsijne(n) laste van allen/ rue(re)nde wercke zonder alleene van [den] molenboeme en(de) den steene ende/ oft mijn he(re) e(n)nigen nyeuwe(n) steen d(air) op deden alsoe dat mits dien/ dmolen yser behoefde gelinct te wordde(n) soe soude mijn he(re) dat tsijns/ selfs laste mote(n) doen maken ende oft de mijn he(re) aldair dede maken/ een sluyse zoe hij in meyni(n)gen es soe en soude de vors(creven) molde(r)/ gheen hoechsel zond(er) m(ijns) he(ren) (con)sent d(air) op moigen setten It(em) sal de/ vors(creven) molde(r) van mijne(n) he(re) vors(creven) tallen twee jae(re)n zijns voirscr(even)/ t(er)mijns hebben een tabbart laken alsulc als zijnd(er) gelijke inde(n) vors(creven)/ godshuyse hebben ende alle dese vorweerd(en) (et)c(etera) It(em) want de(n) vors(creven)/ molde(r) de vors(creven) molen met al des d(air) toe behoirt gelevert sal wordden/ gepresen en(de) getaxeert ter taxacien van goede(n) mole ma(n)ne(n) molensleg(er)s/ hen des verstaen(de) soe es vorweerde dat de vors(creven) bevonde men tsijne(n)/ afsceiden [en(de) ter taxacien als vo(r)e] die beter danse gelijc vo(r)e getaxeert sele(n) wordde(n) dat dat den/ vors(creven) molde(r) gecort oft gerestitueert soude wordde(n) maer oft die arg(er)/ wordde(n) bevond(en) dat soude de molde(r) mote(n) opleggen ende alle dese/ vorweerd(en) cor(am) meldert most dece(m)br(is) xiiii