Allen den ghenen die dese l(ette)ren sullen sien oft horen/ lesen burg(er)meeste(re)n scepen(en) ende raet der stad va(n) loeven(en)/ saluit Doen te weten dat op den dach van heden datu(m)/ van desen voir ons comen is in p(ro)pren p(er)sone henrick de/ pleckere woenen(de) te wackerseele ende heeft geco(n)sti/ tueert gesedt volcomen macht p(ro)cu(ra)cie en(de) auc(tori)teyt ge/ geven henricke de rijke wettich sone raes wijlen de rijke/ alle ende yegewelke zijn saken questie(n) ende geschillen die/ hij alsnu uutstaende heeft oft namaels hebben soude moege(n)/ voir wat gerichte gheestelijc oft weerlijc dat dat zijn/ oft geboiren mochte alle ende yegewelke zijn jaerguld(en)/ opcomingen ende vervallen sijn goede chijse ende rinten die/ hij heeft oft namaels hem vallen selen inden lande va(n) brab(ant)/ oft elde(r) te wat plaetsen dat dat zijn oft geboire(n) mochte/ in meliori for(ma) p(ro)mitt(ens) ratu(m) salvo iusto calculo oct(obris) xviii