Aengehoert de questie tusschen pete(re)n beyard clerc in name en(de)/ van weghen he(re)n pet(er)s van herbaix ridders in deen zijde/ ja(n)ne pynnoc ter ande(re) en(de) ja(n)ne vand(en) bossche met ja(n)ne/ meys ter derder alse vand(er) hueri(n)gen vand(en) solders d(air) opt/ coren lach dwelc de voirs(creven) h(er) pet(er) van h(er)baix ridd(er) de(n)/ voirs(creven) ja(n)ne pynnoc vercocht hadde d(air) af de voirs(creven) peter/ beyart van wege(n) des voirs(creven) h(er) pet(er)s meynde ongehoud(en)/ te zijne bij seke(re)n reden(en) die hij dair toe allig(er)de vand(en)/ welcke(n) de voirs(creven) jan pynnoc sustineerde de cont(ra)rie en(de)/ oic bij reden(en) bij he(m) voirt gesedt Is get(er)mineert dat/ de voirs(creven) pet(er) beyart vand(er) voirs(creven) hue(re)n van kersmesse/ lestlede(n) voirtaen ongehouden sal zijn en(de) soe verre de/ voirs(creven) jan pynnoc jan vand(en) bossche en(de) jan meys vand(er)/ selver hue(re)n niet en consten verlike(n) om die te bet(alen) h(er)/ jacoppe dat de mons cano(n)ni(n)c op de biest dat de stat/ dan he(n) aengehoert d(air) inne sal doen des recht/ wesen sal Act(um) in pleno consilio febr(uarii) xiiii p(rese)ntib(us)/ god(efrido) roelofs s(u)bstituto burg(i)m(a)g(ist)r(o) et plu(r)ib(us)/ aliis febr(uarii) xiiii