Item alsoe als jan van beerge oudecleercoepe(r) den xx[ste(n)] dach va(n) april a(n)no/ xiiii[c] lxii tegen tgodshuys van percke genomen heeft erflic een huys/ met zijnd(er) toebehoirten gelegen opde merct te loven(en) inden hoec aldair tusscen/ de goede jacops va(n) v(er)trike en(de) jans wilen beyarts opden co(m)mer va(n) onder/ halven s(cellingen) bo(n)[e] twee cap(uyne) drie pont borsghelts eene halve oude crone/ dair voir uutgaen(de) en(de) die div(er)se p(er)sone d(air) aen hebben Ende vortaen op/ eenen jairliken erfchijs van vier peters tsjars te xviii st(uvers) tstuc/ alle jare tsint jansmesse baptisten te betalen die tvoirs(creven) godshuys/ dair aen behouden heeft te quijten ind(er) maten als den scep(enen) brief/ vand(er) vors(creven) daet hier op gemaect volcomentlic begrypen Ende/ nader hant alst schijnt bevonden wordt dat e(n)nige p(ar)tien/ meer co(m)mers dan den vors(creven) vorco(m)mer gedraeght opde vorscr(even)/ goede hebben te weten(e) dabt va(n) sinte gertuden x l(i)b(ra) therscap van/ santbergen dair jan ouderogge rentmeest(er) af is ii l(i)b(ra) een cappelrie/ ts(int) quintens een l(i)b(ra) al borsgelts boven nochtan de vors(creven) iii l(i)b(ra) inden/ voirs(creven) co(m)mer genoempt dair roelof vranx de ii l(i)b(ra) en(de) i(½) s(celling) katlijne/ capelle i l(i)b(ra) afhebben(de) zijn Soe eest dat voir scep(enen) va(n) lov(en) gestaen/ de eerweerdige abt en(de) co(n)vent des vors(creven) godshuys va(n) percke hebben/ gelooft geconsenteert en(de) gewillecort inden name en(de) van vegen des/ vors(creven) godsh(uys) den vors(creven) janne van beerge voir hem sijne(n) erve(n) en(de) naco/ melingen die vors(creven) p(ar)tien va(n) chijse buyten der wairscap bleve(n) gedragen(de)/ xiii l(i)b(ra) tsjars vanden vors(creven) erve te setten en(de) tselve sijn erve d(air) aff/ volcomentlic tontlasten bynne(n) vier jae(re)n naestcomen(de) oft den selven/ tijt overleden zijnde die den selve(n) janne en(de) sijnen nacomelinge(n)/ aende vors(creven) iiii pet(er)s jairlix dan vortaen te cortten En(de) oic bynnen/ middelen tijde die selve xiii l(i)b(ra) also te betalen dat den vors(creven)/ jan van beerge niet geschedicht en wordde blanckart ouder(ogghe)/ aprilis x