Item jan de witte sone wilen jans va(n) tieldonc woenen(de) te he(re)nt in p(rese)ncia/ heeft genome(n) van he(re)n janne va(n) langrode religieux inden godshuyse/ van vlierbeke en(de) henrico hanckart procur(eur) des vors(creven) godsh(uys) een huys/ en(de) hof metten bogarde en(de) wynnen(de) lande houden(de) tsamen neghen/ dachmale Item drie dach(male) beemps dair aen gelegen al te herent in/ eenen stucke ter plaetsen geheten langrode zoe v(er)re jan de smet al(ia)s/ wale de jonge de goede aldair gehouden heeft Te houden te/ hebben en(de) te wynnen van half merte lestleden eenen t(er)mijn van/ twelf jae(re)n lanc vervolgen(de) elx jars dae(re)nbynnen tvoirs(creven) huys/ en(de) hof metten bogarde en(de) wynnen(de) lande d(air) toebehoe(re)nde om en(de) voir/ vijf mudden rox goet en(de) payabel d(er) maten van lov(en) met wanne/ en(de) vlogelen wel bereit ende de vors(creven) beempde om en(de) voir drie/ ryns guld(en) te xxi st(uvers) tstuc Te weten(e) tvoirs(creven) greyn jairlix tsinte/ andriesmesse apostels te betalen en(de) te loven(en) oft te vlierbeke d(air)t/ den vors(creven) p(ro)cur(eur) ten tijde zij(n)de te leve(re)n en(de) tvors(creven) ghelt ts(int) m(er)tensmesse/ te betalen quolib(et) ass(ecutu)[m] Item is vorweerde dat de vors(creven) wynne/ jairlix opde vors(creven) goeden planten sal nade vors(creven) drie yerste jae(re)n/ twelf leven(de) pooten half alboemen en(de) half willigen en(de) die wel/ en(de) loflic verdoirnen Item sal de voirs(creven) wynne de vors(creven) lande/ sijnen termijn due(re)nde wynnen werven [en(de)] mesten wel en(de) loflijc/ gelijc reengenoten boven en(de) beneden Item hij sal alle de lande/ en(de) goede laten gewonnen geworven gemest en(de) bevreedt/ tsijnen afscheiden gelijc hij die aenverden sal tzijnen innecomen/ Item hij en sal de selve goede tsijnen lesten drie jae(re)n niet/ mogen hoervruchten Item sal de selve wynne de huysinge/ vanden vors(creven) goeden houden vander underster rijkelen ned(er)wert/ wel en(de) loflic op zijnen cost ende alsmen dair dect oft/ plect sal de wynne den wercluden den montcost gheven/ en(de) m(ijn) hee(re) sal de dachue(re)n betalen Item de beken grechten/ en(de) vrede om oft aen de vors(creven) goede gaen(de) zoe v(er)re dese goede/ dair inne gehouden mogen wesen sal de vors(creven) wynne sijne(n)/ t(er)mijn due(re)nde vegen houden maken en(de) reymen tsijnen/ coste Ende alle dese voirs(creven) vorweerden condicien en(de)/ gelooften heeft de vors(creven) gelooft te voldoene tallen tijden/ dat die vallen sullen hier af is borghe henricus witte/ brueder des vors(creven) wynne woenen(de) te he(re)nt Et p(ri)m(us)/ abs(oloens) zande maii xi