Vander aenspraken die willem van opgeldenake gedaen heeft tot claese/ mambour seggende dat de selve claes sijn hande geslag(en) heeft aen/ zeke(re) goede geleg(en) taultreglise den voirs(creven) willem(me) toebehoirende/ ende dair de voirs(creven) claes noch nyema(n)t anders dan de vors(creven) willem/ met rechte inne gecleedt en steet Dair o(m)me de selve wille(m) meynde/ dat de selve claes sculdich soude sijn de hant vanden selve(n) goede(n)/ te lichten ende oft yema(n)t sprake van eenig(er) vorweerd(en) die de selve/ willem vanden selve(n) goeden met des vors(creven) claes sweg(er)inne(n) mocht/ hebben gemaict hij p(rese)nteerde soe v(er)re men hem nae inhoudt der/ selver vorweerde(n) goede vestich(eit) dede de selve vorweerden te volbring(en)/ ende te voldoene ende sijn pe(n)ninge d(air) af opleyde de selve/ vorweerden oic te voldoene Dair op de voirs(creven) claes antworde/ dat sijns wijfs sust(er) de vors(creven) vorweerde hadde gemaict ende die/ hadde hem geconsenteert inde vors(creven) goede te trecken en(de) hande d(air) aen/ te slaen met meer ande(re)n pointe(n) luttel oft nyet inde(n) rechte dienen(de)/ Soe was gewijst ten uut(er)sten bijden he(re)n scepen(en) van loeven(en) ter/ maniss(en) smeyers dat de vors(creven) claes gehoude(n) soude sijn vand(en) voirs(creven)/ goeden hant te lichte(n) opde p(rese)ntacie des vors(creven) wille(m)s p(rese)ntib(us) o(mn)ib(us) scab(in)is/ in sca(m)pno dempt(is) roelants vync aug(usti) v[ta]