Item goessen vanden eynde ter eend(er) en(de) jan pauwels/ ter ande(re) zijden [die] tegen malcande(re)n in rechte staen te/ steynhockesele om d(er) pe(n)ningen wille van eenen rijd(er)/ lijftochten die de vors(creven) goessen fyneerde aen janne
//
vanden steenweghe indt jair xiiii[c] lxvi januarii xix voir/ scepen(en) van loven(en) die de selve goessen meynt dat de/ vors(creven) jan half getogen soude hebben niet wederstaende/ dat den selven scepen(en) brieff begrijpt dat de vors(creven) goessen/ dand(er) p(er)sone ind(en) selven scep(enen) br(ieve) staen(de) gelooft heeft/ vander vors(creven) lijftocht tontheffen In p(rese)ncia hebben/ malcande(re)n gelooft dat sij trecht te volgen inde vors(creven)/ banc sullen laten versmelten En(de) dat zij dat sullen/lat vervolgen en(de) nemen voir die stat alhier en(de)/ tot dien te comen heeft de selve goessen op in vrijdage/ naestcomen(de) dach genomen te bewisen dat de vors(creven)/ jan die vors(creven) pe(n)ninge gelijc hem vand(er) vors(creven) lijftocht/ gehadt en(de) getogen hadde [heeft] ende evenverre hij dat/ na recht thoent zoe heeft de vors(creven) jan gelooft die/ helicht vand(en) vors(creven) pe(n)ningen metten coste van rechte/ die hij hier om alhier en(de) te steynhockesele gedaen/ en(de) geleden heeft ter stont als dan op te leggen de(n) selve(n)/[goessen] oft zijnen moet d(aer) aff te hebben En(de) inden gevalle/ oft de selve goessen zijns vermets niet en volcompt/ zoe heeft hij den selven janne gelooft alle de costen/ die se selve jan d(aer) om gehadt heeft het zijn/ vroentcosten oft ande(r) die den selven janne oic als/ dan te betalen en(de) te restitueren abs(oloens) vos no(vembris) iii