It(em) willem wasschart geheete(n) van diependale in p(rese)ncia heeft genomen/ en(de) bekynd dat hij genome(n) heeft van den erweerd(igen) vad(er) in gode he(re)n lenarde/ van grybonal abdt des goidsh(uyse) van vlierbeke renu(n)c(ians) thof des selfs/ goidsh(uyse) geheete(n) van diependale met allen den wynnen(de) lande(n) beemde(n)/ eeusselen bosschen en(de) thiende(n) d(aer) toe behoiren(de) en(de) allen and(ere)n toebehoirte(n)/ al omgaens en(de) omtri(n)t den voirs(creven) hove geleg(en) met oic der helicht/ wynning(en) desselfs goidsh(uyse) van seke(re)n beemden geleg(en) int assenbroec/ zoe v(er)re die selve willem die [al] tsame(n) tot heer toe vand(en) vors(creven) goidsh(uyse)/ gehoude(n) heeft en(de) nyet voirde(r) Te houde(n) te hebben en(de) te wynne(n)/ van halfmerte lestleden eene(n) t(er)mijn van tweelf jaire(n) lanc v(er)volgen(de)/ Elx jairs dae(re)nbinne(n) om en(de) voe(r) de so(m)me van onderhalf hondert/ mudde(n) corens veertich mudde(n) gherste(n) en(de) vie(re)ntwintich mudde(n) have(re)n
//
elx grains goet en(de) payabel wael bereyt cu(m) va(n)no (et) pe(n)na mate(n) ende/ pacht van loven(en) sint andriesmisse apostels jairlix te betale(n) en(de) te/ loeven(en) oft te vlierbeke dair m(ijn) he(r) dat best gelieve(n) sal te leve(re)n de(n) selve(n)/ he(r) jairlix den vors(creven) t(er)mijn due(re)nde quol(ibet) ass(ecutu)[m] En(de) noch om en(de) voe(r) tweelf/ rinsch(er) guld(en) in goude jairlix tsinte machiels daige den g(r)[o]ten honde(n) van/ brab(ant) van des vors(creven) goidsh(uyse) wegen te betalen alsoe in tijts dat tselve/ goidsh(uys) d(aer) bij gheen schade en lijde want die schade oftse bij fauten/ vand(er) selver betaling(en) gebuerde soude hij mote(n) drag(en) en(de) afdoen It(em)/ sal die voirs(creven) wynne de vors(creven) lande sijne(n) t(er)mijn due(re)nde wy(n)ne(n)/ werve(n) en(de) mesten wel en(de) loflic gelic reengnote(n) bove(n) en(de) bened(en)/ en(de) die laten tsijnen afsceiden Te weten den wint(er)art wel ende/ loflic [gewonne(n)] gemest en(de) besaeyt op vier getideghe voe(re)n den zomerart/ op een vore omgedaen voir kersmisse ende die brake geheel en(de)/ die messie vand(en) vors(creven) hove alsdan geruymt en(de) dmest op des vors(creven)/ goidsh(uyse) lande en(de) gheen ande(r) alsdan gevuert te hebben soe wel ten/ veerste(n) als ten naeste(n) It(em) sal m(ijn) he(r) de vors(creven) goede rep(ar)e(re)n vander/ underste(n) rijkelen nederweert en(de) van dan voirtane salse de wy(n)ne/ voirt vand(en) understen rijkelen nederw(er)t houde(n) zijne(n) t(er)mijn due(re)nde/ en(de) die alsoe tsijne(n) afsceide(n) late(n) It(em) soe wa(n)neer m(ijn) he(r) binne(n) de(n) hove/ e(n)nige oude rep(ar)acie van decken plecken oft and(er)ssins sal doen doen/ alsdan sal de wy(n)ne den wercliede(n) den montcost geve(n) en(de) m(ijn) he(r) de/ dachue(re)n betalen It(em) sal de wynne jairlix leve(re)n soe vele walms/ alsme(n) inden hove om die huysinge allessins te rep(ar)e(re)n en(de) te decken/ behoeve(n) sal moig(en) It(em) oft inde(n) hove e(n)nige schade gesciedde/ van brand toecomen(de) bij swinne(n) oft der sijnre sculden zoe soude/ hij die m(ijn) hee(r) oprichten Ende oft van m(ijn) he(re)n weg(en) oft des/ zijnre d(aer) e(n)nige schade gesciedde van brande oft oic tempeeste oft/ onwee(r) zoe soude m(ijn) he(r) insgelix den wynne d(aer) af rastoir doen/ gelijc ande(r) he(re)n en(de) p(re)late(n) hue(re)n wynne(n) in gelik(en) doen selen/ It(em) sal de vors(creven) wynne m(ijn) he(r) in gescrifte binne(n) eene(n) jaire naist/ comen(de) mote(n) overbringen de stucken en(de) p(ar)ceelen van allen den/ vors(creven) goede(n) en(de) de groette van elk(er) der selver stucken met goeder
//
decla(ra)cien vand(en) reengenote(n) zoe wel vanden wynnen(de) landen/ beemde(n) bosschen eeusselen helichtwynning(en) voirs(creven) alse den/ stucke(n) d(aer) op m(ijn) he(r) sijn thiende heffen(de) es Item sal de wy(n)ne/ altoes alse hij de bosschen van diependale doet houwe(n) aldair/ mote(n) laten tseventich laeteycken It(em) oft opde voirs(creven) goede/ e(n)nige ooftboome verdroechden die sal de wynne moigen/ afhouwen en(de) tsijnen profite beke(re)n mair voer elke der selver/ sal hij weder moten plante(n) twee leven(de) pote(n) vand(en) selven/ arde It(em) sal de vors(creven) wynne navolgen(de) der ouder gewoenten/ op s(in)te s(er)vaes dach mote(n) eerbaerlic ontfaen m(ijn) he(r) met sijne(n)/(con)vente en(de) hue(re)n diene(re)n ende die met hen come(n) ende/ hen alsdan leve(re)n tamelic en(de) eerlic hue(re)n cost van goeder/ spijsen en(de) drancke Behalve(n) dat de selve wynne/ ongehoude(n) sijn sal hem e(n)nig(en) wijn alsdan te mote(n) geve(n)/ Ende alle dese vorweerd(en) Inde su(n)t fideiussores d(i)c(t)i coloni/ indivisim joh(ann)es vand(en) berghe f(ilius) quond(am) arnoldi (com)mor(ans)/ apud winxele joh(ann)es de dyeve(n) f(ilius) quond(am) will(el)mi (com)mor(ans)/ apud wijchmale joh(ann)es de velthe(m) f(ilius) quond(am) joh(ann)is (com)mor(ans) apud/ winxele p(re)d(i)ct(i) et will(el)m(us) stercx fili(us) stephani stercx (com)mor(ans)/ p(ro)nu(n)c lovanii et petr(us) cerbeel f(ilius) quond(am) joh(ann)is (com)mor(ans) apud/ winxel p(re)dict(um) et p(ri)m(us) vos wynghe octobr(is) xxiiii