Cond zij allen lieden dat lambrecht sluysmans woenen(de) te heyleshem sone/ wijlen henricx sluysmans van outgarden in p(rese)ncia heeft genome(n) ende/ bekint dat hij genome(n) heeft van meest(er) reynie(r) van heddeys canonic/ regulier en(de) pytanchier des goidsh(uys) van heyleshem en(de) johannese straetma(n)s/ inden name en(de) van weghen des selfs goidshuys thof en(de) de woeninghe/ binne(n) den selve(n) goidshuyse geleg(en) geheete(n) die boeverie met allen den/ wynnen(de) landen en(de) ande(re)n toebehoirte(n) gelijkerwijs en(de) inder manie(re)n/ dat jan saffaerts dat gehouden heeft Te houden te hebben en(de) te wynne(n)/ van halfmerte anno lxviii eene(n) t(er)mijn van tweelf jairen lanc deen/ nae dande(r) sond(er) middel volgen(de) Elx jairs dae(re)nbinne(n) om tachtentich/ mudde(n) harts corens pacht en(de) mate van thiene(n) goet en(de) payabel/ met wanne en(de) vloegelen wael bereyt en(de) om tachtentich gulden/ pet(er)s der mu(n)ten ons liefs gened(ichs) he(re)n tshertogen van bourg(oign)[en] en(de) van/ brabant xviii stuv(er)s voir elken der selver pet(er)s ge(re)kent ende oic o(m)me/ vie(re)ndertich mudden goeder even(en) pacht en(de) macht mate voirs(creven) alle jaire/ tvoirs(creven) coren en(de) even(en) sint andriesmisse apostels en(de) tvoirs(creven) gelt half/ te liechtmisse en(de) half innegancx meye te betalen den voirscr(even)/ t(er)mijn due(re)nde quol(ibet) ass(ecutu)[m] Item heeft noch genome(n) die voirs(creven) wy(n)ne/ alle de beemde totte(n) voirs(creven) hove gedeputeert en(de) gelijc die voirscr(even)/ jan saffaerts die oic gehouden heeft Te houden en(de) te hebben den/ voirs(creven) t(er)mijn lanc due(re)nde om en(de) voe(r) twintich pet(er)s te xviii stuv(er)s/ tstuc te betalen(e) deen helicht tons(er) liever vrouwen liechtmisse ende/ dander helicht opten yersten dach van meye alle jae(re) den voirg(eruerde)/ t(er)mijn due(re)nde quolib(et) ass(ecutu)[m] Met (con)dicien en(de) vorweerd(en) hier inne/ ondersproken ierst dat de voirs(creven) wynne sal sculdich zijn te betalen/ sonder afcortten van des voirs(creven) steet alle jae(re) te jairsmisse des/ abts dieners eene(n) halve(n) clinckart oft viii st(uvers) d(aer) voe(r) It(em) es noch/ vorweerde dat de vors(creven) wynne mijne(n) he(r) en(de) de(n) (con)vente vors(creven) sal/s mote(n) saeyen alle jaire in tijts op eenich vand(en) vors(creven) landen/ een boender met rapen dairt m(ijn) he(r) gelieve(n) sal en(de) dat wel/ mesten en(de) wynne(n) alsoe dat behoirt en(de) d(aer) voe(r) sal hem m(ijn) he(r) cortte(n)/ alle jaire drie mudden corens Ende oft gebuerde dat mijn hee(r)/ die rapen liet staen te raepzaeyde dat mijn he(r) dien raepsaet trecken/ soude opte voirs(creven) drie mudden core(n)s It(em) sal die voirs(creven) wy(n)ne alle/ die vruchten vand(en) voirs(creven) goeden comen(de) doen vue(re)n ind(er) schue(re)n vand(en)
//
voirs(creven) hove binnen(n) den goidshuyse en(de) alle tstroe vand(en) voirs(creven) goed(en)/ en(de) lande(n) comen(de) int selve hof in meste beke(re)n en(de) alle dat mest opte/ voirs(creven) lande vand(en) voirs(creven) hove vue(re)n en(de) nerge(re)ns elder tslants/ meeste(n) p(ro)fite It(em) sal die voirs(creven) wynne alle de lande vand(en) voirscr(even)/ hove eens binne(n) sijne(n) t(er)mijne wel overmergelen It(em) sal de vors(creven)/ wynne alle de lande den voirs(creven) hove eens [toebehoirende] binne(n) sijne(n) t(er)mijne/ jairlix wynnen [en(de)] werve(n) ende mesten wel en(de) loflic ten mynste(n)/ gelijc reengenoete(n) It(em) en sal de voirs(creven) wynne gheen stroe noch walme/ vanden voirs(creven) goeden comen(de) buyte(n) den voirs(creven) hove orbe(re)n noch v(er)coepen in/ gheenre manie(re)n sond(er) (con)sent van m(ijn) hee(r) It(em) sal de voirs(creven) wynne sijn getonste/ lanc dueren(de) moten jairlix leve(re)n allet bedtstroe en(de) voorts datme(n) inden/ voirs(creven) hove behoeve(n) sal Te weten(e) te plecken te decke(n) en(de) te vorste(re)n ende/ desgelix oic alle dat tstroesel totten beesten int voirs(creven) goidsh(uys) comende/ en(de) verkeren(de) en(de) oic alle die viere allo(m)me tcloester te ontfincken Item/ sal de voirs(creven) wynne jairlix leve(re)n van goeden vrijdaige tot sinte/ remeysmisse toe alle weken vier pond bote(re)n en(de) vier ghelten melcx/ It(em) sal de voirs(creven) wynne moige(n) doen snijden alle die cruyden in allet/ cloester staen(de) en(de) oic buyten op die wyers uutgenomen die dijken/ op die wyers die mijn he(r) verhuert heeft en(de) den wermoeshof It(em)/ sal die voirs(creven) wynne oic hebben den grote(n) beemt voer de nuwe/ porte nae dat yerste maet af sal sijn en(de) van m(ijn) he(re)n wegen innegevuert/ It(em) sal die voirs(creven) wynne moigen doen truncken alle de willegen ende/ trunckboemen aende voirs(creven) goede staen(de) ten behoirliken tide en(de) d(aer) mede/ die beemde lande en(de) goeden den voirs(creven) hove toebehoiren(de) wel ende/ loflic doen bevreeden luyken en(de) stoppen en(de) die alsoe tsijnen afscheide(n) late(n)/ wel bevreedt geloken en(de) gestopt It(em) sal de voirs(creven) wy(n)ne alle die/ weghe watervlieten en(de) ryolen aen de voirs(creven) goede wel en(de) loflic/ op sijne(n) cost den voirs(creven) t(er)mijn due(re)nde doen maken veghen ende/ ruymen als des te doen sijn sal en(de) die alsoe laten tsijnen/ afsceiden It(em) sal de voirs(creven) wynne sculd(ich) sijn sijne(n) voirs(creven) t(er)mijn/ due(re)nde alle jaire te planten hondert goeder getuygeliker poten/ ten gewoenlik(er) tide en(de) die wael verwaeren en(de) v(er)doirne(n) It(em)/ wairt tsake dat e(n)nighe boeme aende voirs(creven) goede v(er)droechde(n) die sal/ de voirs(creven) wynne moigen afhouwe(n) en(de) voir elken verdroighden/ boem wedersetten twee ande(r) poote(n) vand(en) selve(n) arde en(de) die oic
//
wel bevreeden en(de) v(er)doirne(n) It(em) sal oic de voirs(creven) wynne sijne(n) t(er)mijn/ lanc due(re)nde alle jaire sinte lambrechts daige m(ijn) he(r) leve(re)n zesse/ goede vercken(en) vand(en) weerde(n) van xii hollan(sche) guld(en) te weten twee/ oude crone(n) vrancrijcsche voir drie hollan(sche) guld(en) ge(re)kent ende zijn/ de vors(creven) vi vercken(en) beter dan de vors(creven) xii hollan(sche) guld(en) dat sal den/ wynne m(ijn) mijn he(r) vors(creven) oprichte(n) en(de) weder o(m)me verghelde(n) en(de) zijn/ zij oic arg(er) dat sal de wynne voirs(creven) mijne(n) he(r) oic oprichte(n) te/ comans p(ri)se en(de) d(aer) af was den yerste(n) t(er)mijn tsinte lambrechts/ misse int jair xiiii[c] lxix ende voir de vercken(en) sal de voirs(creven) wy(n)ne/ hebben alle dat draff en(de) slijck dat jairlix come(n) sal uute(n) panhuyse/ inden voirs(creven) cloeste(r) It(em) sal de vors(creven) wynne sijnen t(er)mijn lanc due(re)nde/ hebben alle xiiii nachten een half ame cloesterbiers alsmen bruwet en(de)/ and(er)s nyet en(de) altoes inden oeghste sal hij te xiiii nachte(n) hebben twee/ amen vand(en) selven bie(r) telken broussele Item en sal die vors(creven) wynne/ zijne(n) t(er)mijn lanc due(re)nde van nyeman(de) schape houden dan van mijne(n)/ he(r) vors(creven) ofse m(ijn) he(r) doet houde(n) en(de) alsoe vele als m(ijn) he(r) en(de) lembrecht/ te gade(r) verdrage(n) selen sond(er) argelist Ende die schape salme(n) altoes/ te ii jaire(n) deilen alsoe dat gewoenlic es en(de) die sal die wynne doen/ houde(n) ende vueden en(de) alsoe toezien als dat m(ijn) he(r) d(aer) af gheen schade/ en hebbe bij sijnen ocsuyne Item sal de voirs(creven) wynne sculdich zijn/ sijnen t(er)mijn lanc due(re)nde van sinte remeysmisse tot halfmerte te/ halen opt bosch van cappendale twee goede voeder houts mede te/ backen en(de) te brouwen en(de) dair mede sal hij oic moigen backen inden/ cloester hoven tallen tiden als hij des te doen sal hebben It(em) sal de/ voirs(creven) wynne leve(re)n tot m(ijn) he(re)n sabts wijngarden behoif uut swynne(n)/ messien jairlix den voirs(creven) t(er)mijn lanc due(re)nde vie(re)ntwintich goeder/ voeder mests ten behoirlik(en) tide en(de) van zijnen besten meste dair af/ dat de voirs(creven) wynne sal moten vue(re)n inden wijngart de tweelf/ voede(r) It(em) sal de voirs(creven) wynne leve(re)n alle dat mest datmen bynne(n)/ den warmoeshove behoeve(n) sal en(de) des sal die wynne hebben alle/ dat mest datmen bynne(n) den voirs(creven) goidsh(uys) allo(m)me maken sal/ uutgenome(n) tduyve(n)mest dat m(ijn) he(r) toebehoiren sal It(em) sal oic de/ voirs(creven) wynne jairlix sijne(n) voirs(creven) t(er)mijn lanc due(re)nde sculdich sijn/ te leve(re)n een duysent walme(re)n om de huysing(en) vand(en) vors(creven) hove mede
//
te decken Item gevielt dat god verhuede(n) moet dat de voirs(creven) wy(n)ne/ e(n)nighe schade hadde oft lede van tempeesten oft gemeyne(n) orloghe/ dair af soude hem m(ijn) hee(r) doen gelijc secundarie kercken van luydic hue(re)n/ pechtene(re)n en(de) wynnen doen selen bove(n) en(de) bened(en) It(em) sal de vors(creven) wy(n)ne/ hebben van mijne(n) he(r) een roclaken wa(n)neer m(ijn) he(r) zijne(n) gemeynen/ huysgesinne cleet en(de) anders niet Item sal de voirs(creven) wy(n)ne op sijn/ leste jair bezaeyen een oft twee boende(r) met raepsaede die mijne(n)/ he(r) dan volghen sal Behoudelic dat hem m(ijn) he(r) dan oprichte(n) sal/ sijn ploechrecht van dien tot goeder mannen taxacien It(em) sal oic/ de voirs(creven) wynne sculdich sijn mijne(n) he(r) vors(creven) te leve(re)n alle jaire/ vijf mudde(n) raepsaets en(de) d(aer) voe(r) sal m(ijn) he(r) hem cortte(n) thien mudden/ corens It(em) sal hij oic leve(re)n m(ijn) he(r) vors(creven) alle jae(re) vijf mudde(n) witter/ erwete(n) en(de) d(aer) voe(r) salmen hem cortte(n) vijf mudde(n) core(n)s It(em) es vor/ weerde dat de vors(creven) wynne sal moig(en) scheiden tsijne(n) yerste(n) zesse/ jairen oft hem gelieft Bij alsoe dat hijt mijne(n) he(r) een jair te/ voren sal mote(n) seggen It(em) es noch vorweerde dat de vors(creven) wynne/ dese goede in al noch in deele en sal moigen voird(er) v(er)pachte(n) noch/ uutgeve(n) zond(er) (con)sent van mijne(n) he(r) Item zijn den vors(creven) wynne/ gelevert tsijnen innecomen zeven p(er)den met hue(re)n getouwen/ getaxeert [tsame(n)] op sevenendertich peters Item neghen melcoeyen/ twee verren en(de) twee veersen getaxeert op vie(re)ndertich peters/ It(em) noc vie(re)ntwintich vercken(en) zoe groet soe cleyne getaxeert op/ thien pet(er)s It(em) eene(n) goeden waghen met twee paer lee(re)n getaxeert/ op drie pet(er)s It(em) vier ploeghe met hue(re)n coppelen en(de) toebehoirte(n)/ getaxeert op acht pet(er)s It(em) noch twee eechden met hue(re)n coppelen/ en(de) eechdwissen getaxeert op eene(n) peter It(em) heeft noch ontfaen/ vand(en) kinde(re)n jans saffarts in gereede(n) gelde negen pet(er)s loepen(de)/ al tsamen hondert en(de) twee pet(er)s Welke goede hij sculdich sal/ sijn tsijnen lesten jaire op te legghen en(de) te betalen als v(er)reycte/ schout It(em) sal de voirs(creven) wynne tsijne(n) afsceiden laten den wint(er)art/ dien hij besaeyt vant wel en(de) loflic gewonne(n) besaeyt en(de) gemest/ e(m)mer alsoe wel oft bat dan reengenoeten Den zomerart al o(m)me/ gedaen behalve(n) elf en(de) een half boender en(de) die brake eens gheerrijt
//
Ende want in sijnen aencomen zijne(n) wynt(er)art te velde getaxeert/ es bij goede knapen op hondert mudden corens tiensche soe es/ vorweerde oftmen bevonde dat dien tsijnen afsceiden beter wae(re)/ dat dan m(ijn) he(r) den voirs(creven) wynne oprichten sal en(de) oft hij oic/ arg(er) bevonde(n) wordde dat sal de selve wynne m(ijn) he(r) moeten/ oprichten Item sijn den vors(creven) wynne geleend tsijnen innecomen/ in gelde de so(m)me van tweendertich en(de) eene(n) halve(n) guld(en) en(de) elf pl(a)c(ken)/ lichts gelts driehondert schoeve erweten hondert vijf schoeve wynt(er)/ stroes drientsestich hoepe somerstroes vier mudden gerste(n) twee/ mudden en(de) drie mol(evate) witter erwete(n) en(de) drie mudden grauwer erwete(n)/ drie mudde(n) crocken vijfthien mudde(n) corens al thiensche mate twintich/ mudden en(de) zeve(n) mol(evate) even(en) thiensche Welke leeni(n) ge hij geheel ende/ al in sijne(n) afsceiden wedero(m)me sal mote(n) betalen als v(er)reycte Ende alle/ dese vorweerde(n) (et)c(etera) Hier af sijn borghen des selfs wynne(n) als p(ri)ncipael/ sculde(re)n indivisim herman cayen woenen(de) te heyleshe(m) zweer desselfs/ wynne(n) lambrecht sluysmans zijn joncxte brueder en(de) vrancke/ verkins van outgarden zijn swag(er) et p(ri)m(us) cor(am) oppendorp/ vos octobr(is) viii