Vand(er) questie(n) die i wile tijts gehange(n) heeft tussce(n) de wed(uwe) henr(ix) wilen/ boelarts en(de) ghijsbrecht vand(er) h(er)strate(n) van lyntre alse van zeke(re)n pe(n)ninge(n)/ die ghijsbr(echt) de(n) voirs(creven) henr(icke) sculd(ich) was va(n) coepe van coirne na inhoudt/ d(er) scepen(en) br(ieve) va(n) lyntre de welke de selve ghijsbr(echt) seyde en(de) coene was/ tsijnre eedt bet(aelt) te hebbe(n) de(n) voirs(creven) henr(icken) in zijne(n) leven(de) live en(de) des
//
d(aer) aen cleeft zijn p(ar)tie(n) mits dat de wed(uwe) vand(er) volbetalinge(n) niet ge/ hoirt en hadde bij e(n)nige(n) hue(re)n vriende(n) ov(er)come(n) dat de voirs(creven) ghijsbr(echt)/ d(er) selver wed(uwe) binne(n) ii jare(n) naestcomen(de) sal doen iiii corweyde(n) va(n)/ dair tot hier met zijne(n) wagen(en) en(de) iiii p(er)de(n) te weten elcx jaers twee/ sond(er) fraude en(de) argelist te(n) behoirlike(n) tijde cor(am) opp(endorp) lynde(n) no(vem)[b(ris)] vi