Item her coenrart vander meren doctoir in beide den rechten/ riddere in deen zijde en(de) jonch(e)r jacop van mosmale zwag(er)/ des voirs(creven) he(re)n coenrarts in dande(re) sijn met malcande(re)n/ en(de) bij tusschenspreken van hue(re)n vrienden eensworden en(de)/ overcomen en(de) hebben malcande(re)n gelooft volcomentlick/ tonderhouden en(de) tachtervolgen des hier na volght Alse/ van dien vijfhondert ryns guld(en) die de vors(creven) jonch(e)r jacop/ den vors(creven) he(re)n coenrarde zijnen swager opden dach van/ heden overmits zeke(re)n tractaten tusschen hen voirmaels/ gemaect sculdich en(de) belanc is Inden yersten datmen/ tgoet gelegen te lynte(r) geheten dbeecbloc met allen sijnen/ toebehoirten dwelc te houden plach de jouffr(ouw) wilen va(n)/ longchamp en(de) van hair versterff op reynoute wilen/ van mosmale oem des vors(creven) jonch(e)r jacops estimeren/ sal als dat nu ghelt ter hueringen te weten(e) op
//
tsestich ryns guld(en) te twintich stuv(er)s tstuc dair aen men/ yerst afcortten sal alle den co(m)mer beide erflic en(de) te live/ die dair uut gaet en(de) allen pacht totten dage van heden/ na advenant vanden tijde verloopen oft gevallen alsoe/ die te ghelden staen en(de) wes dan de vors(creven) tsestich r(yns)/ guld(en) elcken pe(n)ninc gerekent te seventhienen meer/ gedragen dan den vors(creven) co(m)mer Dair af sal de vors(creven)/ her coenrart den vors(creven) jonch(e)r jacope cortten en(de) afslaen/ aende vors(creven) vijfhondert r(yns) guld(en) deen helicht en(de)/ hebben voir hem en(de) zijn huysvruwe en(de) hair naco/ melingen tvoirs(creven) gheheel beecbloc En(de) sal de vors(creven) jonch(e)r/ jacop den vors(creven) he(re)n coenrarde vanden gedeelte en(de) allen/ den rechte dat hij heeft opt voirs(creven) geheel goet oft op/ e(n)nich gedeelte van dien den selven he(re)n coenrarde doen/ alle behoirlike vestich(eit) met wairscape dien achtervolgen(de)/en(de) [die] den vors(creven) he(re)n coenrarde e(n)nichsins tot zijnder v(er)sekerh(eit)/ behoeven mochte Vort sal de selve jonch(e)r jacop den/ vors(creven) he(re)n coenrarde goeden en(de) vestighen dair dat/ behoert in alsulken chijs cap(uyne) gansen en(de) and(er)s als de/ vors(creven) jouffr(ouw) wilen van longchamp moye vanden vors(creven)/ jonch(e)r jacope en(de) he(re)n coenrarts huysvruwe te houden/ plach inden lande van namen inden dorpe geheten/ pontilhace te leene rue(re)nde vanden here van byoul/ gedragen(de) jairlix sesen(de)dertich cap(uyne) achthien ganse en(de)/ drie oude gr(ote) en(de) dair af wairscap geloven voir/ de gerichten dair dat den selven he(re)n coenrarde behoeve(n)/ sal ende die jairlichxsche weerde vanden selve(n) chijse/ cap(uyne) [en(de)] ganse gheestimeert elc stuc somen die ter vors(creven)/ plaetsen gemeynlic estimeert sal de vors(creven) h(er) coenrart/ oic den vors(creven) zijnen zwagher aende vors(creven) vijfhondert/ r(yns) guld(en) cortten elcken pe(n)ninc gerekent oic te seventhien/ pe(n)ninge Tot desen sal noch de vors(creven) jonch(e)r jacop/ den vors(creven) he(re)n coenrarde zijnen swagher behoirlike guedi(n)ge
//
en(de) vestich(eit) oic doen inde helicht van alsulken [erf]goeden oft/ pachten als de vors(creven) jouffr(ouw) wilen van longchamp te houden/ plach inden dorpe van foul gedragende jairlix int geheele/ vijf mudden corens maten van jauche en(de) geloven vand(er)/ selver helicht den selven he(re)n coenrarde wairscap en(de) genoech/ te doen En(de) wes de selve helicht ter wairheit beloopt/ jairlix sal de vors(creven) her coenrart den vors(creven) sijnen/ swagher noch cortten aende vors(creven) vijfhond(er)t r(yns) gulden(en)/ en(de) voir elc mudde corens seventhien d(er) vors(creven) r(yns) gul(den)/ Vort is gevorweert dat van allen den vors(creven) vesticheiden/ te doen elc vand(en) vors(creven) p(ar)tien draghen sal des hij van/ gemeynen rechte vand(en) plaetsen dart geboren sal sculdich/ is te draghen Ende alse vanden surplus dat boven desen/ afslaghen ter wettiger rekeni(n)gen de vors(creven) jonch(e)r jacop/ den vors(creven) zijnen zwagher vand(en) vors(creven) so(m)men van vijfhond(er)t/ r(yns) guld(en) noch sculdich is sal bliven dair af sal de selve/ jonch(e)r jacop den selven he(re)n coenrarde besetten bynnen/ xiiii nachten naestcomen(de) erfrenten elcken pe(n)ninc oic voir/ seventhiene gerekent wel en(de) loflic aen en(de) op die goede/ van breene met allen hue(re)n toebehoirten ten coste des/ selfs jonch(e)r jacops En(de) sal de selve jonch(er) jacop d(aer)/ voir oic onderpant setten en(de) vesticheit doen dat/ hij die leste vorg(eruerde) besette rente sal moeten quijten bynne(n)/ vier jae(re)n naestcomen(de) tot eenen tween drie oft vier/ malen en(de) niet myn dan tvierdel smaels elcken pe(n)ninc/ met seventhienen als voirg(eruert)rekent is en(de) altoes met/ vollen renten en(de) van dien oic wairscap geloven alsoe/ dat he(re)n coenrarde vast en(de) zeker zij Ende dit al/ voldaen zijnde sal de vors(creven) her coenrart af en(de) te nyeute/ doen alsulken opdracht als hem de vors(creven) jonch(e)r jacop/ gedaen hadde voir den stathoude(r) en(de) mannen ons gened(ichs)/ he(re)n vanden goeden van breene voir de betalinge der/ vors(creven) vijfhondert r(yns) gul(den) te veroblige(re)n cor(am) roelofs oppen(dorp)/ nove(m)bris vi