Item jan voets geheeten de cuype(re) sone wilen geldolfs van rode bij cortelke in/ p(rese)ncia heeft bekint wettelic v(er)cocht te hebben janne van rode geheete(n) ty(m)merman al(ia)s/ raymake(re) de stucken en(de) p(or)ceelen van haefliken goeden hier na v(er)claert Te weten/ yerst een roede schy(m)mel merye met eenre blessen twee coeyen deen roet ende/ dander zwert met eenre blare(n) voir thoeft It(em) twintich scapen en(de) zeve(n) la(m)mere/ al metter wollen ende noch de wolle van twintich scapen en(de) zeve(n) la(m)meren/ welke schape de voirs(creven) jan voets te vervueden heeft gehadt van daneele frix/ Item eene(n) waghen met eenre ploech iii goreele en(de) ander waghen getouwe/ dair toe hoe(re)nde Item drie bedden elc van ix vie(re)ndelen metten hoetpoluwen/ Noch een van bedde van ii ellen en(de) noch een cleyn beddeke(n) elc oic met eenen/ hootpoluwe It(em) ix cussen(en) drie weeke zijdelen een banc eene(n) wyntwee(r) iiii/ drievoete(n) een tderde cuype twee oft drie ande(r) cuypen een soutvat twee/ lattoen(en) kendelers It(em) drie weerhouten coetsen iiii ketels onder cleyn en(de)/ groot iiii pannen onder yse(re)n en(de) coep(ere)n [en(de)] een scrijne Welke p(or)ceele(n) van/ goeden alnoch sijn bynne(n) den byvanghe symoens boschuerkens te/ ralenbeke inde p(ro)chie van outheverle It(em) noch de p(or)ceelen van goede(n)/ h(ier) na bescreven wesen(de) ten huyse jans hougart geheete(n) de briedere/ woenen(de) ts(in)te pet(er)s rode Te weten een bedde met eenre coetsen ende/ hoetpoluwe van ix vie(re)ndeele(n) een scrijne eene(n) desch en(de) een scappree/ It(em) noch een schermsel staen(de) binne(n) loeven(e) inde dorpstrate ten huyse/ henrix comelinx vettewariers ende een pansier oec te loeven(e) ten/ huyse henrix vand(en) berghe wape(n)makers inde dorpstrate It(em) noch/ eene(n) grote(n) ee(re)n pot eene(n) zwertten wijden vrouwen roc een roet/ beddecleet een vrouwen falye een(en) vrouwe(n) sang sangwijne(n) capruyn/ twee ty(n)nen quaertpotten zeve(n) ty(n)nen richtscotelen al ten lombarde(n)/ te loven(e) staen(de) It(em) een vrouwen hoycke een wijnwaelpot eenen/ derdelpot staen(de) binne(n) loeven(e) ten huyse arnts van bruessele oudt
//
cleercoep(er)s inde proefstrate Welke p(or)ceelen van goeden alle ende/ yegewelke vors(creven) de voirg(enoemde) jan voets gelooft heeft den voirscr(even)/ janne van rode ter stont te leve(re)n oft te doen leve(re)n en(de) hebben vanden/ plaetsen dair die nu zijn bynnen den huyse ende byvanghe desselfs/ jans van rode geheeten van tingisart inde p(ro)chie van grave(n) geleg(en)/ Voer ende o(m)me een so(m)me van vijfenvijftich clinckarde te xiiii st(uvers)/ tstuc dair af hem de vors(creven) jan voets bekint heeft biden vors(creven)/ janne ty(m)merman volcomelic genoech gedaen te wesen Promitt(ens)/ null(atenus) alloqui s(ed) war(andizare) Behalven dat de vors(creven) jan voets alle de voirs(creven)/ goede sonder alleene de voirs(creven) twee coeyen de voirs(creven) twintich scape en(de)/ zeven la(m)me(re)n mett(er) wollen oec de wolle vand(en) twintich scapen en(de)/ zeven la(m)meren ende sonder oec tvoirs(creven) dbeste bedde mette(n) hoetpoluwe/ vand(en) vors(creven) bedde(n) lossen ende quiten sal moigen alsulc en(de) inde(n) state/ als die dan zijn sullen tussce(n) dit ende dat de selve jan voets die/ in meyni(n)gen [veerden] es des vors(creven) jans goede van tingisart ter helicht te/ nemen vanden selven goeden weder sceiden sal met der so(m)men/ van achtentwintich clinckarts eens te xiiii st(uvers) tstuc co en(de) niet/ and(er)s noch d(aer) nae cor(am) abs(oloens) wynghe m(ar)tii xv