It(em) jan gorijs sone henricx wilen gorijs henric busscop sone/ jans busscop bastijn vanden bossche sone aerts wijlen vanden
//
bossche henric vanden bossche wettich brueder bastijns voirscr(even)/ jan cloet dieme(n) heet comeling sone wilen aerts alle woenen(de)/ te rode bij cortelke in p(rese)ncia hebbe(n) genome(n) als voe(r) de g(ro)te thiende/ van rode voirs(creven) met allen huerre toebehoirte(n) in alle der maniere(n)/ de selve jan gorijs die met aerde taenhout zijne(n) zweer en(de) ande(re)n/ zijnen medegesellen gehoude(n) hebbe(n) jege(n) [van] he(re)n janne tyrion priest(er)/ p(ro)cur(eur) des voirs(creven) goidsh(uys) Te houde(n) ende te hebben van sint jansmisse/ baptisten naistcomende eenen t(er)mijn van ix jare(n) lang v(er)volgen(de) elcx/ jaers dare(n) binne(n) voir en(de) om lxxix mudden rocx en(de) lxxxix mudde(n)/ evene(n) d(er) maten van loeven(e) goet en(de) payabel alsulcx als inde voirs(creven)/ thiende wassen sal met wanne en(de) met vede(re)n wel bereyt v(er)schinen(de) jaerl(ijcx)/ tsinte andr(iesmiss)[e] ap(oste)ls en(de) opde(n) spyker te p(er)cke te leve(re)n q(uo)l(ibet) It(em) vand(en) x voed(ere)n/ hoys dieme(n) vand(er) voirs(creven) thiende(n) te geve(n) plach sele(n) de voirs(creven) thiendene(re)n alle jae(re)/ gheve(n) de(n) p(er)soen van rode iiii voede(r) hoys ind(er) thiende(n) gewasse(n) alsulc als de(n)/ wage(n) des goidsh(uys) voirs(creven) met vi p(er)de(n) soude moege(n) vuere(n) en(de) voir dand(er) vi/ voede(r) sele(n) zij alle jare geve(n) en(de) betale(n) de(n) p(ro)efst voirs(creven) oft de(n) gene(n) die te(n)/ tide inde stad va(n) hem wesen sal xii post(ulaets) gul(den) elke(n) te xiii(½) st(uvers) v(er)schinen(de)/ jaerlijcx te kers(mis)s[e] It(em) vande(n) ii[c] mandele(n) stroes die zij gewoenl(ijc) hebbe(n) geweest/ te geven(e) d(aer)af sal jaerl(ijx) hebbe(n) de p(er)soen voirs(creven) xxx mandele(n) also(m)me he(m) va(n)/ oude(n) tide(n) die gewoenl(ijc) is geweest te geve(n) en(de) vande(n) ande(re)n c lxx mandele(n)/ selen zij geven jaerl(ijcx) ts(int)jans(mis)s[e] bap(tis)[te(n)] xvii r(yns) g(ulden) elke(n) te xx st(uvers) de(n) p(ro)efst voirscr(even)/ q(uo)l(ibet) It(em) oft e(n)nige te(m)peeste gesciede van onwede(r) oft gemeyne(n) orloge vanden/ vruchte(n) inde(n) velde staen(de) dat sele(n) zij t(er) stont late(n) wete(n) de(n) abt oft proefst/ voirs(creven) om ov(er)sien te w(er)de(n) vande(n) gene(n) dieme(n) d(aer) synde(n) sal en(de) ov(er)sien sijnde sal/ me(n) hen afslach doen gelijc ande(r) p(re)late en(de) p(re)latt(er)ss(en) bove(n) oft benede(n) gelege(n)/ bij de gene diet ov(er)sien sele(n) hebbe(n) oft ande(r) manne(n) va(n) beyde(n) zijde(n) d(aer) toe/ genome(n) hen des v(er)staende En(de) desgel(ijx) oft zij e(n)nige scade lede(n) va(n) orloechs/ volke ind(er) schue(re)n tot purif(icatie) en(de) niet lang(er) dat selen zij ter stont/ condigen om oversien te werden ende dair af dan tovercome(n) in/ der maniere(n) als voe(r) En(de) oft e(n)nige scade gesciede aender schue(re)n de/ vruchte(n) voirs(creven) d(aer)inne zijnde van brande toecomende van sgoidshuys/ vyande d(aer) af salmen hen insgelijcx restitucie doen en(de) oft oic enige/ schade quame aende voirs(creven) schuere van e(n)nigen die de voirscr(even)/ thiendeners qualike mochten dair selen zij wedero(m)me de(n) voirs(creven)/ goidshuyse genoech af doen ter taxacie(n) van goede(n) ma(n)nen hen/ des verstaende Ende alle dese vorwerden ende condicien hebbe(n)/ de voirs(creven) p(ar)tie(n) gelooft goet vast en(de) gestentich te houden en(de) te/ voldoene tallen tijden ende t(er)mijne(n) als die valle(n) en(de) verschijne(n)/ selen en(de) telke(n) t(er)mijne als v(er)reycte schout wy(n)ge lynde(n) junii xvii