Cont zij allen lieden dat henric vander molen sone/ wilen jans woenen(de) terkenen in p(rese)ncia heeft genomen/ en(de) bekint genomen te hebben van jouffr(ouwe) shouts/ margrieten shouts dochter wilen wouters weduwe/ jans wilen savarys thof der selver jouffr(ouwe) m(ar)griete(n)/ geheten thof van heyleshem metten huysen schueren/ stallen dair op staende bogarden wynnen(de) landen beempden/ eeuselen en(de) allen ande(re)n toebehoirten uutgenomen de/ groete eetcame(r) den kelde(r) beyde de slaepcame(re)n besiden/ den solde(r) boven deetcame(r) duyfhuys de porte geheel/ den lesten peertstal de schue(r) ter straten weert en(de)/ de helicht van coellochten dair de vors(creven) wynne/ gheen recht in hebben en sal gelic alle de vors(creven)/ goede gelegen zijn inde prochie van arkenen Te/ houden te hebben en(de) te wynnen van sint jansmesse/ baptisten naestcomen(de) eenen termijn van twelf jae(re)n/ deen na dand(er) sond(er) middel vervolgen(de) Elx/ jars dae(re)nbynnen de vors(creven) wynnen(de) lande o(m)me en(de)/ voir van allen de helicht van alle den vruchten/ groet en(de) cleyne vanden vors(creven) lande jaerlix comen(de) en(de)/ de vors(creven) beempden en(de) eeuselen houden(de) omtrent acht/ boend(er) om en(de) voir veertich guld(en) clinckarts te xiiii/ st(uvers) tstuc oft de weerde d(air) voir tsinte mertensmesse/ inden wynt(er) te betalen d(er) vors(creven) jouffr(ouwe) m(ar)grieten oft/ hue(re)n procur(eur) quolib(et) ass(ecutu)[m] Item es vorweerde dat/ de vors(creven) wynne jairlix den vors(creven) t(er)mijn due(re)nde den/vors(creven) roggen ardt vanden vors(creven) lande wel en(de) loflic/ driven sal op zijn vier getidege voe(re)n den gersten/ art op zijn drie getidege voe(re)n en(de) den eeven(en) art/ op zijn twee getidege voren en(de) de brake op/ zij [twee] meyvore(n) en(de) geplaint en(de) geect gelijc men/ boven en(de) beneden doet Ende tsijnen afcheiden
//
sal hij de vors(creven) lande laten gelijc hijse sal aenverden Te/ weten(e) den roggen(en) art yerst inden wijthof en(de) d(aer)naest/ It(em) een dachmale acht(er) ernarts boven de strate gaen(de)/ van arkenen te graven wert Item een half boend(er)/ boven den wech van arkenen gaen(de) vand(er) molen te/ bossuyt weert Item ond(er) den selven wech seven/ dachmale Item d(aer) naest een boend(er) stuc lants/ Item i(½) dach(mael) en(de) een half boend(er) neve(n) een gelege(n)/ en le val de puts Item d(aer) beneden noch een/ stuc lants gelegen bove(n) de schaveye vand(en)/ porte(n) vand(en) vors(creven) hove Item een stuc lants/ geheten de to(m)me al met rogge besayet Item/ den terwen ardt te weten tstuc lants geheten/ petreelhof Item tstuc lants voir de porte vand(en)/ vors(creven) hove tot aende schaveye Item tderdel va(n)/ eenen boend(er) geheten mettenslant al met/ terwe besayet Item den spelten art te/ weten(e) onderhalf dach(mael) gelegen ov(er) dwater ind(en)/ hof van allou Item noch vier boend(er) over/ dwater in eene(n) hof al met spelten besayet/ Item den even(en) art te weten(e) de lande gelege(n)/ opde hockaelde uutgescheiden een boend(er) aldaer/ gelegen dat besaeyt sal sijn met vetsen It(em)/ int breynbroec [de lande ald(aer)] uutgescheiden vijf dach(mael) die hij/ met ghersten laten moet Item acht(er) thof vors(creven)/ int bloc omtrent half zoe met pastue(re)n en(de) even(en) besayt/ Item een dachmale gelegen inde hesendelle/al met even(en) Item vii dach(mael) gelegen boven den/ wech gaen(de) van arkene(n) te graven wert ov(er) dwater/ al met even(en) besayet Item den gersten art te wet(en)/ vijf dach(mael) neve(n) dbreynbroec half gerste en(de) half/ haverneele Item aende soffe i(½) dach(mael) met gerste(n)/ besayet Item achter de schue(r) int bloc tot benede(n)
//
den bogart besaeyet met witter erweten Item is/ vorweerde dat de vors(creven) wynne wanneer hij/ de vruchten vanden vors(creven) lande comen(de) gebonden en(de)/ in hoopen te velde gesedt sal hebben dat hij/

dan altijt ov(er) ande(re)n hoep manen(d) d(er) vors(creven) jouffr(ouwe)/ m(ar)grieten helicht diersten voed(er) in hair schue(r) int/ vors(creven) hof vue(re)n en(de) tassen sal en(de) voir hem dand(er)/ voeder en(de) also vort ov(er) and(er) voed(er) alsoet gewoenlic/ is [tot al in sijn sal] mair des sal de selve jouffr(ouw) op hue(re)n/ last alsment hoept inne doet en(de) tast dair toe/ setten eenen getruwen knecht die d(aer) toe/ hulpen sal den welcken de vors(creven) wynne als/ dan den montcost gheven sal gelijc den/ sijnen Vort is vorweerde dat de voirs(creven)/ jouffr(ouwe) m(ar)gr(ieten) en(de) de wynne te geliken coste/ tvors(creven) greyn sulle(n) doen picken en(de) te velde binden/ en(de) die pickers en(de) werclude sullen zij betalen/ te gelike met coren(en) int stroe als dan te velde liggen(de)/ also zij naest met hen sullen conne(n) ov(er)comen/ Item sal de vors(creven) wynne der vors(creven) jouffr(ouw)/ jairlix te bruessel leve(re)n met zijnen wagen(en)/ en(de) perden vier voed(er) corens [oft ander vruchten die zij bege(re)n sal] d(aer) af hij als dan/ zijne(n) montcost en(de) den p(er)den hoy hebben sal En(de)/ alle dand(er) greyn d(er) vors(creven) jouffr(ouw) sal hij jairlix/ moeten leve(re)n te loven(en) oft twee mylen omgaens/ arkenen d(aer)t d(er) selv(er) jouffr(ouw) best gelieve(n) sal en(de)/ dan sal hij telken male hebben vand(er) vors(creven) jouffr(ouwe)/ twee stuv(er)s voir zijne(n) arbeit Item sullen de/ vors(creven) jouffr(ouw) en(de) de wynne allet ooft jairlix den/ vors(creven) t(er)mijn due(re)nde int vors(creven) hof wassen(de) ter/ eerden liggen(de) deylen half en(de) half uutg(enomen) eene(n)/ puppync staende voir swynnen slaepcame(r) d(aer) inne
//
de selve wynne gheen recht hebben en sal mair/ des sal de selve wynne gehouden [sijn] jairlix dat ter/ eerden te leve(re)n op zijnen cost Item als de vors(creven)/ jouffr(ouw) oft hue(r) knechten tarkenen [int vors(creven) hof] sulle(n) come(n) is vorw(er)de/ dat de vors(creven) wynne hue(r) en(de) hue(r) knechten/ den montcost gheven sal en(de) den p(er)den hoy/ Item sal de vors(creven) wynne jairlix hebben allet/ stroe en(de) caf dat vand(er) vors(creven) jouffr(ouwe) helicht/ come(n) sal Item sal de vors(creven) wynne bynnen/ den vors(creven) t(er)mijn lanc due(re)nde te hemwert hebben/ een boend(er) lants voir uut om erweten oft vetsen/ d(aer) op te sayen tsijnen proffijte Item sal de vors(creven)/ wynne jairlix int vors(creven) hof moeten leve(re)n sesse/ hond(er)t walme(re)n goet en(de) costbair om de huysinge/ vanden vors(creven) hove te decken en(de) als men daer/ aende oude s huysinge decken sal soe sal de/ selve wynne den decke(r) den montcost gheve(n) ende/ de jouffr(ouw) de dachue(re)n Item sal desgelix de/ selve wynne alle leem dieme(n) d(aer) toe v(er)orbe(re)n sal/ aen halen en(de) grave(n) en(de) de vors(creven) jouffr(ouw) sal alle/ de latten en(de) latyser leve(re)n Item wart dat sake/ dat de vors(creven) jouffr(ouw) int vors(creven) hof e(n)nich nyeu werc/ dade maken dair toe sal de vos(creven) wyynne aen/ halen alle de stoffe met zijnen wagen(en) en(de) p(er)den/ Item en sal de vors(creven) wynne gheen recht hebben/ aen dopgaende hout opde vors(creven) goede staende/ mair [wae(re)n] d(aer) e(n)nige verdroeghde boome die sal hij/ mogen afhouwen en(de) d(aer) inne sal de vors(creven)/ jouffr(ouw) hebben hair vierdel voir hue(r) berringhe en(de)/ voir elken verdroeghd(en) boem die hij also afhouwen/ sal sal hij setten ii oft iii leven(de) pooten vand(en) selven/ sape Item en sal de vors(creven) wynne gheenen loec/ oft wijngart staet vand(en) vors(creven) goeden mogen houwen
//
dan om die goede mede te bevreden Item sal de vors(creven)/ wynne den vors(creven) t(er)mijn due(re)nde jairlix d(er) vors(creven)/ jouffr(ouw) houden twee vercken(en) [en(de)] die some(re)n en(de)/ wynte(re)n gelic den zijnen des sal zij [d(aer) af] den herdde betale(n)/ Item sal de vors(creven) [wynne] jairlix ov(er)mergelen twee boend(er)/ lants mair des sal zij hem jairlix d(aer) voir gheve(n)/ oft afcortten xxviii st(uvers) Item sal de vors(creven) wynne/ alle grechten waterloepen en(de) strate(n) totte(n) vors(creven) hove/ behoe(re)n en(de) die tselve hof sculdich is te houden/ vegen en(de) ruyme(n) te sijne(n) cost also dat de vors(creven)/ jouffr(ouw) d(aer) bij gheen schade en lijde It(em) sal de/ selve wynne jairlix d(er) vors(creven) jouffr(ouw) int vors(creven) hof/ moeten vue(re)n twee voed(er) houts tot hue(re)r berringe(n)/ dair zij die omtrent arkene(n) coepen sal Item en/ sal de vors(creven) wynne de vors(creven) goede in al oft in/ deele den vors(creven) t(er)mijn due(re)nde niemant anders/ mogen uutgheve(n) sond(er) (con)sent d(er) vors(creven) jouffr(ouw) noch/ oic ande(r) pechtinge aenverden Item en sal de/ selve wynne gheen stroe vand(en) vors(creven) goeden comen(de)/ mogen v(er)copen noch verberren mair sal dat al/ te meste bringen en(de) dat vue(re)n opde vors(creven) lande/ also wale opde verste als opde naeste tslants/ meesten proffijte Item sal de selve wynne in/ eenen hoec vand(en) vors(creven) bog(ar)de mogen sayen alsoe/ men tot her toe gedaen heeft kempsaet tot/ zijne(n) proffijte Item sal de vors(creven) wynne jairlix/ d(er) vors(creven) jouffr(ouw) deylen half tflas dat hij d(aer) wynde(n)/ sal ongeswinct oft tvierdel geswinct en(de) tsijne(n)/ afscheiden sal hij opde vors(creven) goede moeten laten/ besaeyet drie molevaten lijnsaets Item de/ selve wynne sal jairlix den vors(creven) t(er)mijn lanc/ due(re)nde houden [verwaren] en(de) vueden tsijne(n) laste wel en(de)
//
loflijc alle alsulke schapen als sij hem leve(re)n sal d(aer)/ af de selve wynne hebben sal deen helicht vand(er)/ wollen en(de) tvierdel vanden scape Mair des/ sal de vors(creven) jouffr(ouw) de lijfscape [van] des vors(creven) wynne(n)/ vierendeel jairlix op dat hair gelieft [hebben elc voir] seven/ stuvers It(em) en sal de vors(creven) wynne van nyeman(de)/ and(er)s gheene scape mogen houden noch vuede(n)/ Item sal de vors(creven) wynne zijn berringe opde vorlen/ en(de) hagen vand(en) vors(creven) goeden mogen houwen te/ mynster schaden Item de vors(creven) jouffr(ouw) en(de) de wynne/ sullen van malcande(re)n mogen scheiden ten halven/ t(er)mijne bij also die scheiden wilt dat den ande(re)n/ een jair te voren condigen dal Item oft bynne(n)/ den t(er)mijne vors(creven) bynne(n) den vors(creven) hove e(n)nighe/ schade van brande geschiede en(de) dat dat toequame/ bij ocsuyne des vors(creven) wynne oft zijnd(er) famielien/ zoe is vorweerde dat die selve wynne die/ oprichten sal t(er) taxacien vand(en) ghene(n) hen des/ verstaende [desgelix soude de vors(creven) jouffr(ouw) moeten doen oft h van hue(re)n wegen toequame] It(em) oft zo geborde dat de vors(creven)/ wynne e(n)nich stroe voir zijn beesten gebrake zoe/ is ond(er)sproken dat hij dat gebrec ter goeder/ truwen sal copen en(de) d(aer) af sal de selve jouffr(ouw)/ die helicht betalen Item sal de vors(creven) jouffr(ouw)/ jairlix leve(re)n tot sayen onderhalf mudde rox/ en(de) onderhalf mudde even(en) Item alsmen die scape/ scheren sal jairlix sal de selve wynne der vors(creven) jouffr(ouw)/ te bruessel met sijne(n) wagen en(de) p(er)den houden [halen] en(de) hair/ metter helicht vand(er) wollen thuys vue(re)n En(de) alle/ dese vors(creven) vorweerden (et)c(etera)/ cor(am) oppendorp wynge junii xi