Cont zij allen lieden dat roelof roelofs in deen zijde/ willem vander loe jouffr(ouw) margriete zijn wijf dochter des/ voirs(creven) roelofs ende roelof vander loe sone der vors(creven) gehuyssche/ te voe(re)n uuten broede tot desen van zijnen vors(creven) vader met/ behoirliker manie(re)n gedaen in dande(re) Die welcke voir scepen(en)/ van loven(en) en(de) met scepen(en) brieven van loven(en) met malcande(re)n/ aengegaen zijn int jair xiiii[c] lxix xiiii dage in februario seke(r)/ vorweerden en(de) condicien en(de) die vanden selven vorweerden/ en(de) condicien te volvue(re)n alderhande twifele en(de) differencien/ hadden Sijn om last van gedinghen en(de) rigeur van rechte/ te schouwen en(de) de vors(creven) differencien te verliken met malcande(re)n/ eenswordden en(de) in volvueringen der voirg(eruerde) scepen(en) brieve/ overcomen der pointe hier na bescreven de welcke zij deen/ dander gelooft hebben volcomentlic te volvue(re)n en(de) tonderhoude(n)/ Yerst zijn sij overcomen dat de voirs(creven) willem zijn wijff en(de)/ hue(re)r beider sone vanden voirs(creven) roelofve roelofs overhebben/ zullen in bewisenesse vanden hondert en(de) vijftich gulden(en)/ peters erflic die de voirs(creven) roeloff roelofs hen na begrijp/ der voirs(creven) scepen(en) brieve sculdich was te bewisen de p(ar)tien/ en(de) porceelen van goeden erf en(de) lijfrenten hier na bescreven/ die de voirs(creven) willem zijn wijf en(de) hue(re)r beider sone van nu voirt/ aen aenverden sullen Te weten(e) de twee huyse gelegen inde/ coestrate opden hoec vander augustijnstraten en(de) thuys geheten/ geleide ten prise van xxvii guld(en) rijders sonder afslach van/ co(m)mer Item xiii guld(en) rijd(er)s erflic op he(re)n janne en(de) coenrarde/ vand(er) meren gebruede(re)n Item xxv ryns guld(en) erflic ter/ quitingen opde weduwe wout(er)s wilen pynnocx en(de) hue(r)/ borgen Item sal noch de vors(creven) roelof zijnd(er) voirs(creven) docht(er)/ en(de) hue(re)n man en(de) sone bewisen bynnen drie jae(re)n naestcomen(de)/ op drie mylen nader stat van loven(en) xvi pet(er)s erflic elcken/ te xviii st(uvers) en(de) de jairrente van dien tot die bewijst zijn/ den voirs(creven) willem(me) zijne(n) wijve en(de) hue(re)r beid(er) sone betalen/ oft ten eynde vanden selven drie jae(re)n die hoetpe(n)ninghen/ dair aff elcken te xviii setten opden wissel te loven(en) om/ aengeleeght te worden in renten na natue(r) en(de) begrijp vand(en)/ vors(creven) tractate Item noch zullen de voirs(creven) willem sijn wijf en(de)/ hue(r) sone in bewisenesse van ond(er)half hond(er)t peters lijfpensien/ die hen de vors(creven) roeloff metten vors(creven) tractate gelooft hadde/ overhebben die p(ar)tien van lijfpensien hier na verclaert Yerst
//
de lxxx ryns gulden(en) in goude die de vors(creven) roeloff vortijts gecocht heeft/ aenden hee(r) van huerne en(de) die xxx ryns guld(en) in goude lijfpensien die/ hij oic vortijts v(er)cregen heeft op he(re)n gorde vilain ridder En(de) hier mede/ en(de) mits der so(m)men van v[c] pet(er)s eens te xviii st(uvers) tstuc die de/ selve willem zijn wijf en(de) hue(r) sone vanden vors(creven) roelofve gehave(n)/heeft hebben in gereeden pe(n)ningen na dat zij oppenbairlic bekynde(n)/ hebben de selve willem zijn wijf en(de) hue(r) sone gekint en(de) gelijdt/ dat zij vanden onderhalf hondert peters erflic en(de) vanden ander/ halfhond(er)t pet(er)s lijftochten die hen de vors(creven) roelof metten vorscr(even)/ tractate gelooft hadde gecontenteert en(de) te vollen te vreden gesedt/ sijn zoe saen sij vesticheit vand(en) vors(creven) roelofve vand(er) vors(creven) p(ar)tien va(n)/ erve en(de) lijfpensien hebben die de vors(creven) roelof sculdich sal zijn te/ doen ter manessen des vors(creven) willems sijns wijfs en(de) soens En(de)/ want boven desen den vors(creven) willeme(n) sijne(n) wijve en(de) sone noch come(n)/ en(de) gebreken de so(m)me van v[c] pet(er)s eens die de selve roelof noch/ onderbehout om aengeleeght te werden na begrijp vande(n) vors(creven) tractate/ so is vorwerde dat die aengeleeght sullen worden na begrijp vand(en)/ selven tractate oft and(er)s bij consente van p(ar)tien bynne(n) eend(er) maent na dat/ de selve roelof d(aer) toe sal worden v(er)maent sond(er) dat de selve roelof mits dien/ onderhouden e(n)nigen co(m)mer sal moeten gheven En(de) hier mede sullen/ gedoet en(de) te nyeute sijn alsulken cedullen als voir tusschen de voirs(creven)/ p(ar)tien [gemaict] en(de) beseghelt sijn ende nochtan sal in machte en(de) weerden/ bliven al tgheen des tractaet voirs(creven) begrepen heeft alsoe v(er)re/ alst in desen bij expresse niet verandert en is Item hebben de/ voirs(creven) p(ar)tien met malcande(re)n gerekent van allen verloopen(en) renten/ van erve en(de) van lijfpensien tot heden verschenen en(de) van dat/ vallen sal totten dage dat die naeste vallen(de) rente vanden vors(creven)/ he(re)n vand(er) meren vallen en(de) verschijnen sal en(de) dien dach incluys/ dair de vors(creven) roelofs den voirs(creven) roeloff willem(me) sculdich blijft hond(er)t/ derthien r(yns) guld(en) te xx st(uvers) tstuc iiii st(uvers) lxxix pet(er)s te xviii st(uvers) tstuc/ en(de) iii st(uvers) en(de) xl rijd(er)s te xxvii st(uvers) tstuc Dair tegen de selve/ roelof roelofs te zijnen proffite sal trecken al des vanden/ voirs(creven) bewijsden goeden en(de) renten vallen sal totten dage lest/ voirg(eruert) Behoudelic dat de voirs(creven) willem te zijnen proffijte/ boven des voirs(creven) is oic alleene volgen zullen die xvi pet(er)s/ die de huerlinc vanden beempde des vors(creven) roelofs te/ haeght van sinte mertensmesse lestleden sculdich is En(de)/ om dair toe te comen sal hem roelof voirs(creven) behulp doen/ en(de) quitancie dair toe gheven cor(am) opp(endorp) abs(oloens) junii xi