Allen den ghenen (et)c(etera) doen cont en(de) te wete(n) dat opde(n) dach van hede(n) dat(um) van/ desen voir ons comen es in prope(re)n p(er)sone vranc willem(air) woenen(de) inde coestrate/ ende heeft geconstitueert gesedt volcome(n) macht p(ro)cu(ra)cie en(de) auctoriteit geg(even)/ gielise van duffle Te manen teysschen te v(er)volgen opte boire(n) en(de) tontfangen/ alsulken thien guld(en) crone(n) [der] lichter mu(n)ten sconi(n)x van vranckr(ike) als hij jairlix heeft/ vallen(de) deen helicht vijf daige in septembri en(de) dander helicht v daige in merte/ met scepen(en) brieve(n) van loven(en) vander daten xiiii[c] xxx opde(n) v[te(n)] dach van merte/ aen en(de) op de goede h(ier) nae bescrev(en) jans wilen van wairna(n)t Inde(n) yersten/ op alle de goede leene eygen en(de) erflijc geleg(en) te foul te jauche taultreglise/ toffus te rameillies en(de) dair omtri(n)t in woeni(n)g(en) huysen hove(n) wynnen(de)/ lande(n) beemde(n) eeusselen bosschen chijsen rinte(n) erffpachte(n) en(de) allen anderen/ toebehoorte(n) gelijc en(de) alsoe verre die goede den vors(creven) wilen janne toecome(n)/ zijn ende gevallen in sijnre deiling(en) van en(de) nae de doot jans wilen van/ wairna(n)t zijns vaders en(de) joncfr(ouwe) magriete(n) wilen zijns wijfs vaders ende/ moeders des vors(creven) wilen jans van wairna(n)t sijns vaders It(em) op viven/ twintich crone(n) der mu(n)ten sconi(n)cx van vranckr(ike) erflik(er) rinte(n) goet van/ goude en(de) zwaar van gewichten Aen en(de) op tdorp de heerlich(eit) tslot en(de) de/ goeden van opprebaix met woeni(n)g(en) huysen hove(n) wynnen(de) lande(n) beemden/ eeusselen bosschen en(de) allen ande(re)n toebehoirte(n) Dair voe(r) te pande(n) te daige(n)/ te beleiden rastem(en)te te doen leggen die met rechte texeque(re)n te v(er)volge(n)/ en(de) te vorde(re)n ende ofts noot geboirde voir alle richte(re)n gheestelic ende/ weerlic de saken hier af met rechte te (con)teste(re)n te decline(re)n texcipie(re)n te/ reco(n)venie(re)n te v(er)antweerde(n) te bescudden te bedingen alle gescriften en(de)/ libelelle(n) hier o(m)me over te geve(n) en(de) te neme(n) te replice(re)n te duplice(re)n (et)c(etera)/ alsoe wael int p(ri)ncipael als int accessoir alsoe dicwile en(de) menichwerve(n)/ als dat te doen sijn sal getuyge(n) met rechte te versueken bedwonge(n) te/ wordden tot hue(re)r deposicien die te leyden der wed(er)p(ar)tien getuyg(en) te sien/ zwee(re)n die te batte(re)n hue(r) deposicien te wederleggen alsoe dicwijle en(de)/ menichwerve(n) alst behoe(re)n en(de) behoeve(n) sal Allet des vors(creven) steet met/ rechte te wynne(n) en(de) te verliesen die saken bij beroepe oft appellacien/ te moigen v(er)volgen de vo(n)nissen van dien en(de) alle ande(r) der vors(creven) (con)stitu(ci)[en]/ aengaen(de) alsoe wale int(er)locutoire als diffinitive te verwachte(n) tgewijsde/ te v(er)volgen en(de) te doen exeque(re)n composicie en(de) mynlike yffeni(n)ge/ van al des vors(creven) es te maken den sculders van des hij ontfaen sal
//
te quite(re)n en(de) volcomen quitan(cie) te gheve(n) ende voirtaen g(e)n(er)alic/ ende speecialic d(aer) inne te doen (et)c(etera) promitt(ens) rat(um) julii ulti(m)a