Vander questien die gheweest is voir den raide/ vand(er) stat tusschen johannen van chynymont/ als e(n)nige en(de) wettige erfgename he(re)n gorts wilen/ van chynymont huers brued(er)s canonc te hugarden/ als hij leefde ter eend(er) zijden en(de) janne jonch(e)r(e)n/ in dande(re) Aldair de vors(creven) johanne uut crachte/ van gevonnisten scpen(en) brieve(n) van loven(en) vand(er)/ daet xiiii[c] lxii xv septembris metten welcken/ de vors(creven) jan jonch(e)r(e)n en(de) sijn medeplege(re)n teghen/ den voirs(creven) wilen he(re)n gorde genomen hadde de/ thiende des selfs wilen he(re)n gorts en(de) sijnder/ proni(n)gen gelegen ts(int) marien gheest eene(n) t(er)mijn/ van viii jae(re)n elx jairs om lviii mudden corens/ d(er) maten van thiene(n) en(de) pacht van hugarden/ Eysste den vors(creven) janne verweerde(r) betalinghe/ oft bewisenesse vanden jae(re)n lxviii en(de) lxix hopen(de)/ dat hair die van rechts wegen geboren zoude/ Dair op de selve verweerde(r) alligeerde diverse/ groete schaden die hij aende vors(creven) thiende bijden/ volcke van wapen(en) geleden hadde en(de) in diversen/ manie(re)n inden jae(re)n lxv lxvi lxvii en(de) lxviii die/ hij p(rese)nteerde met zijnen gebue(re)n en(de) ande(re)n goede(n)/ manne(n) te thoenen Hopen(de) dat hem die schade/ tot dueghdeliker taxacien aende vors(creven) twee jae(re)n/ gecort soud(en) worden Vanden welcken de vors(creven)/ johanne hielt de contrarie en(de) meynde alsoude/ sij e(n)nich cortsel doen dat en soude niet/ voird(er) zijn dan vand(er) schaden die gevallen/ mocht zijn inden jae(re)n dair af zij yesch betalinge/ Also dat ten uutersten na reden(en) van p(ar)tien te
//
beiden zijden zij hen vanden vors(creven) gescille submitteerden/ en(de) verbonden totten beslichte vand(er) stat alst blijct/ in onsen regist(er) xiii augusti lestleden Dwelc also/ gedaen zijnde heeft de selve raet vand(er) stat/ informacie van levender wairheit en(de) and(er)s hier/ inne genomen van beid(er) p(ar)tien wegen en(de) dai(re)nteynde/ met rijpen raide overdragen en(de) get(er)mijneert/ dat de vors(creven) johanne voir alle de schade die/ de vors(creven) jan jonch(e)r(e)n ind(en) vors(creven) jae(re)n en(de) aende/ vors(creven) thiend(en) geleden mach hebben den selven/ janne aende(n) pacht vand(en) vors(creven) twee lesten/ jae(re)n cortten sal vijftich mudden corens eens/ pacht en(de) mate(n) vors(creven) en(de) dair mede gestaen/ in pleno (con)silio septembr(is) vi[ta]