Allen den ghenen die dese l(ette)ren sullen sien oft hoe(re)n/ lesen burgermeerste(re)n scepen(en) en(de) raide d(er) stat van/ loven(en) saluyt Doen cont en(de) te weten dat opd(en)/ dach datum van desen voer ons comen is gertruyt/ willem(air) weduwe jans wilen bertels met eenen/ momboir hair in desen verleent en(de) heeft gecon/ stitueert gesedt volcomen macht procuracie en(de)/ auctoriteit gegheven janne bertels hue(re)n wettigen/ sone dien zij behoud(en) heeft vand(en) vors(creven) wilen janne/ sond(er) e(n)nich wederroepen met rechte te v(er)volghen/ alsulken helicht van vier guld(en) rijd(er)s d(er) mu(n)ten/ ons gened(ichs) he(re)n saliger gedachten erfrenten dair af/ dander helicht toebehoert vrancke(n) willem(air) inde coest(ra)te/ die [sij] jairlix hebben en(de) heffen(de) zijn opden xxiiii[ste(n)]/ dach van december aen en(de) op de goede hier na/ bescreven jans wilen de joede zijns wijfs en(de) hue(re)n/ kynde(re)n Te weten(e) aen en(de) op een huys en(de) hof met/ sijne(n) toebehoirten gelegen inde prochie van arscot/ opden scaluyn inde evenstoppelle tusschen den goeden/ jans vander ky(m)men en(de) de strate gaende te langdorp/ weert Item aen en(de) op eenen beempt gheheten den/ calsterbeempt houden(de) vier boender luttel myn oft/ meer gelegen ind(en) lande van arscot neve(n) den herssel/ schen loep tusschen den selve(n) loep en(de) den goeden jans/ d(er)boven gelijc scepen(en) brieve(n) va(n) loven(en) d(aer) op gemaect/ vand(er) daet xiiii[c] xxxvii decembris xxiiii volcome(n)tlic/ uutwisen Dair voir te panden te dagen leveringe/ te neme(n) rasteme(n)te te doen legghen en(de) die met rechte/ te vervolghen na costume en(de) gewoente(n) vand(en) plaetsen/ dair dat behoe(re)n oft behoeve(n) sal en(de) vort generalic en(de)/ specialic allet ghene dair inne te doen des de selve/ gertruyt in p(er)sone selve soude mogen doen telker tijt/ oft zij tegenwordich en(de) voir ogen wae(re) Promitt(ens)/ ratu(m) salvo iusto calculo dec(embris) xiiii