Allen den ghenen die dese l(ette)ren selen zien oft hoiren lesen burg(er)/ meeste(re)n scepen(en) en(de) raide der stat van loeven(en) saluyt Doen cont en(de)/ te weten dat opden dach van heden datum van desen voer ons/ comen es in prope(re)n p(er)sone her jacop caillot ridde(r) co(m)mandeur/ der co(m)manderien der ordene(n) van sint jans te jherusalem inden/ landen van brabant van luydic en(de) van loon ende heeft geconsti/ tueert gesedt volcome(n) macht p(ro)cu(ra)cie en(de) auctoriteit gegev(en) raese/ vand(en) borchove(n) en(de) jacoppe aux enfans aut alter(i) alle ende/ yegewelke sijn saken questien ende gescillen die hij tegewoirdichl(ic)/ uutstaen(de) heeft oft naemaels hebben soude mog(en) voir wat/ gerichte gheestelic oft weerlic dat dat sijn oft te doen wesen/ mochte alle sijn jairguld(en) sculden opcomi(n)g(en) p(ro)fite(n) v(er)valle(n) goede(n)/ beruerlic en(de) omberuerlic chijse rinte(n) erffpachte(n) die hij heeft/ oft naemaels hebben v(er)crijg(en) en(de) hem toecomen selen moigen oft
//
oic vallen en(de) verschijnen in e(n)nig(er) manie(re)n Te verware(n) te/ manen teysscen op te bue(re)n te ontfange(n) dair voe(r) te pande(n)/ te daig(en) te beleid(en) rastemente te doen legg(en) die met rechte/ texeque(re)n te v(er)volg(en) te vorde(re)n te be alle scepen(en) brieve met/ rechte te vo(n)niss(en) en(de) vorde(ri)nge d(air) af te neme(n) te v(er)volg(en)/ en(de) te doene al voer alle gerichte(n) gheestelic en(de) weerlic/ en(de) tallen plaets(en) d(air) en(de) soe dat behoire(n) en(de) behoeve(n) sal Ende/ voort ofts noot gebuerde voir alle de selve sake(n) (et)c(etera) in/ meliori for(ma) allet des vors(creven) staet te wynne(n) te verliesen/(et)c(etera) componen(di) quitan(ciam) dan(di) Ende voirt allet des vors(creven) steet/ zoe wel domberuerlike goede chijse rinte(n) pachte(n) vors(creven) als/ and(er)s te rege(re)n te hantplichte(n) te v(er)hue(re)n te v(er)pachte(n) en(de)/ met jairschare(n) uut te gheve(n) al te(n) meeste(n) orbe(r) en(de) p(ro)fite d(er)/ desselfs he(re)n jacops ende alle behoirlike en(de) behoeflike vestich(eit)/ d(air) af te neme(n) en(de) te doene ende voirtane g(e)n(er)alic ende/ specialic (et)c(etera) cu(m) p(otes)tate substituen(di) unum vel plures qui si(mi)li(te)r/ p(otes)tatem h(ab)ebu(n)t Et q(uod) un(us) incep(er)it q(uod) alt(er) seu alii eoru(n)d(em) p(ro)curator(um)/ seu substitutor(um) adimple(re) mediare finire seu (com)pone(re) poteru(n)t/ P(ro)mitt(ens) rat(um) renu(n)t(ians) o(mn)ib(us) inna(n)ib(us)? sibi in (contra)riu(m) s(er)vien(dum) sub/ obliga(ti)[o(n)e] et ypotheca o(mn)i(u)m et sing(ulorum) bonor(um) suor(um) mobiliu(m) et/ i(m)mo(biliu)[m] p(rese)ntiu(m) et fut(ur)or(um) salvo iusto calculo act(um) januar(ii)/ xi