Allen den ghenen (et)c(etera) doen cont en(de) te wete(n) dat opde(n) dach van/ heden datum van des(en) voir ons come(n) es in p(ro)pe(re)n p(er)sone frijsen/ van sellair smet ende heeft geconstitueert gesedt volcomen/ macht p(ro)curacie en(de) auctoriteit gegev(en) claese van zellair sijne(n)/ sone en(de) janne de mechele(re) zijne(n) behuwede(n) sone aut alt(eri) alle/ en(de) yegewelke sijn saken questie(n) en(de) gescillen die hij alsnu uut/ staende heeft oft namaels hebben mach tegen oft aen wat/ p(er)sone dat dat sijn mach voir wat gerichte gheestelic oft
//
weerlic te verwaren (et)c(etera) ende voort alle sijn jairgulden/ sculden opcomi(n)g(en) p(ro)fite(n) vervalle(n) goede(n) beruerlic en(de) omber(uerlic)/ chijs(en) rinte(n) erfpachte(n) wair die geleg(en) zijn oft bevo(n)de(n) mochte(n)/ werdde(n) die hij heeft oft naemaels hebbe(n) v(er)crige(n) en(de) hem/ toecomen selen mog(en) en(de) oic valle(n) en(de) verschijne(n) in e(n)niger/ manie(re)n Te verware(n) te mane(n) teyssce(n) opte bue(re)n te ontfang(en)/ dair voe(r) te pande(n) te daige(n) te beleide(n) rasteme(n)te te doen legg(en)/ die met rechte texeque(re)n te v(er)volg(en) te vorde(re)n te beding(en) te/ wynne(n) te v(er)liesen componen(di) quitan(tiam) dan(di) cete(r)aq(ue) p(ro)mitt(ens)/ rat(um) salvo iusto calculo januar(ii) xi