It(em) meester augustijn van nethene(n) geheten vanden ryele renu(n)c(ians)/ in deen zijde en(de) henric egnoy in dande(re) sijn met malcand(eren)/ eens worden en(de) mynlijc overcomen inder vuegen hierna v(er)claert/ Ierst heeft geconsenteert de voirs(creven) meester augustijn de(n) voirs(creven)/ henricke copie auctentike te gheven vander deylingen gemaect/ en(de) gepass(er)t voir wet tussce(n) zijne(n) bruede(re)n zuste(r) en(de) hem vande(n)/ goeden ende rinten hem gebleven na de doot van jouffr(ouw) ka(tlij)[ne(n)]/ wilen thomas huerre moeyen ende oic copie auctentike vanden/ testamente der selver moeyen en(de) dat al op cost des selfs henr(ix)/ Dair op heeft de selve henric den voirs(creven) meester aug(ustijne) volcomel(ic)/ quitegescouwen van al tgene des hij hem bethide(n) mochte va(n) alle(n)/ voirleden(en) saken tot desen dage behalve(n) dat de selve henr(ic) de(n)/ voirs(creven) meester aug(ustijne) eyssce(n) mach op dat hij reden(en) dair toe/ heeft de coste vanden lesten gedinge geweest tussce(n) beyde p(ar)tie(n)/ voirs(creven) voir meye(r) en(de) scep(enen) van loeven(en) en(de) behalve(n) oec de(n) voirs(creven) henr(icke)/ zijnre actien op den voirs(creven) meest(er) aug(ustijne) en(de) zijn goede va(n) sulker/ waerscap alse de selve meester aug(ustijn) de(n) voirs(creven) henr(icke) gelooft/ heeft berthem dormale julii xxvi