Item vander aenspraken die merten vand(er) eyken gedaen/ heeft voir meye(r) en(de) scepen(en) van loven(e) op janne crauwel/ ty(m)merman van dat de selve jan op hem zeke(r) injurieuse/ worde soude hebben gesproken en(de) na hem geworpen/ met eene(n) potte dwelc hij boot te thoenen ende/ d(air) af hij sijns vermets int gheheele niet en volquam/ Wert gewijst met desen worden na aensprake v(er)antwerd(en)/ van beid(en) den p(ar)tien en(de) thoenesse des vors(creven) m(er)tens/ dat de vors(creven) jan crauwel den vors(creven) merten ter/ beternessen doen zoude een bedevart te straesborch/ derweert te porren bynnen xiiii nachten naestcomen(de)/ en(de) goede wairheit dair af te bringen nad(er) stat recht/ oft zijnen goeden moet hebben p(rese)ntib(us) o(mn)ib(us) scabinis in/ scampno oct(obris) xxii