Item her henric van raetshoven proofst des godshuys/ van ghempe in deen zijde jan schoeves van vorst die/ nu des vors(creven) godshuys wynne is in hue(re)n hove te v(er)heyden/ aldair in dandere jan van woutswynckel en(de) willem/ onder de lynden voir hen en(de) hue(re)n medeplege(re)n die/ wilen borghe wae(re)n jans wilen onder de lynde des jongen
//
van eender voorpechtingen inde derde zijde hebben hen va(n)/ diversen stoete tusschen hen underlingen en(de) verscheiden/ wesende en(de) hier na geruert wordden aengaende den/ vors(creven) goeden en(de) wy(n)ningen gesubmitteert en(de) verbonden/ inde eendrechtige uutsprake arnold(us) kyp en(de) gerarts/ van baussele secret(arissen) der stat van loven(en) en(de) dat die hue(r)/ uutsprake hier af informacie genomen met sonne/ schijn doen zouden Ende dien achtervolgen(de) hebben/ de selve arbiters hue(r) uutsprake gedaen inder manie(re)n/ hier na verclaert Inden yersten want stoet was/ vander valuacien vander jairgulden gedragen(de) lx r(yns)/ guld(en) tsjars en(de) hoe vele voir elcken guld(en) Es/ duutsprake datmen dair op aenhoren sal her arnt vync/ die proofst geweest is en(de) oic seke(r) getuygen die de/ voer borghen vors(creven) segghen dat zij hebben dair mede/ sij bewisen willen dat inder yerster vorweerden besproken/ was en(de) voir tverbrieven dat elcken guld(en) staen soude/ op xix(½) st(uvers) en(de) zoe verre zij dat bewisen dat de selve/ borghen dair mede sullen gestaen Item want questie/ was vanden eenen halven jare verschenen te kersmesse/ xiiii[c] lix welc half jair de vors(creven) proofst meynde dat/ noch ombetaelt uutstont Dair af is der seggers uutsp(ra)ke/ datmen de registe(re)n des godshuys visente(re)n sal om dae(re)n/ teynden dien navolgen(de) d(air) af te geschien also na recht/ en(de) reden(en) sal behoe(re)n Item want de vors(creven) jan schoeves meynde/ dat de coye int vors(creven) hof hem vanden vors(creven) borgen nader scattinge(n)/ goetgemaect souden wordden Dair af is duutsprake dat na/ des selfs schoeves verkynnen die borgen d(air) af ongehouden/ sijn sullen Item vanden boend(er) corens dat de voirs(creven) proofst/ den borgen eyschste dair af is duutsprake dat de borghen/ dair af sullen zijn ongehouden want de selve proofst int/ leste jair deser pechtingen dat veinden sal Item want de/ proofst meynt dat de principael der vors(creven) borgen bynnen/ sijnen thijde den hove voirg(eruert) vele stroes ontkeert heeft/ oft laten ontkeren dair af is duutsprake zoe wes de/ proofst van dien bewisen can dat sullen hem die borgen oplegge(n)/ ter taxacien van goeden manne(n) Item want stoet was/ van grechten en(de) waterleiden die ten eynde vand(er) lest(er)
//
pechtingen geruympt souden hebben geweest als de profst/ meynde en(de) oic dat die lande in der pechtingen wae(re)n/ meswonnen en(de) niet gemest alst behoirde noch de huysen/ van reparacien ten eynde gelevert als den pachtbrieff/ begrijpt en(de) de profst met janne schoeves meynden dat/ die borgen dair inne wae(re)n gehouden De selve borgen/ sustineerden de contrarie mits dat de vors(creven) schoeves de/ goede selve te vreden was geweest taenverden ende/ hadde zijnen voet gestelt inde stat vanden wynne Hier/ af is duutsprake datmen aenhoe(re)n sal de ghene/ die dair bij wae(re)n dair de selve schoeves alsulken/ aenverden dede en(de) soe verre bevonden wordt dat/ schoeves te dier tijt int aenverden van dien pointe(n)/ gheene questie en maecte dat de borgen dan onge/ houden sijn sal sullen van e(n)nigen verrichten in dien/ beveintmen anders zoe zullen de borghen dat richten/ ter wettiger taxacien Es vort ten lesten male/ duutsprake zo wes de voirs(creven) borgen oft jan schoeves/ voir den vors(creven) wynne verleeght mogen hebben deen/ meer dander myn dat zij dair af doeghdelijc bij/ malcande(re)n zullen reken(en) en(de) overcomen oft anders/ van dien bliven op hue(r) beloep van rechte Geloven(de) de/ selve p(ar)tien allet ghene des bijden vors(creven) arbiters in/ desen uutgesproken [is oft] sal worden goet vast gestentich en(de)/ van weerden te houden tot eeuwegen daghen en(de)/ hebben p(ar)tien geconsentert dat de vors(creven) seggers de/ pointen van bewijsenesse vorg(eruert) aenhoe(re)n sullen moghen/ blanckart dormale decembris iii