Item hebben de voirs(creven) seggers ter stont gehoert tgetuyge/ nesse en(de) de wairheit vanden pointen nageruert Te weten(e)/ aengaende d(er) waluacien vanden gulden(en) en(de) vanden grechten/ meswynnen mesten vanden lande en(de) vanden laten vanden/ huysen dair die getuygen droeghen dat zij dair bij wae(re)n/ dair jan onder de lynde de jonge de neminghe dede
//
van desen goeden teghen he(re)n jacope henricke wilen/ jaquemijns profst te dier tijt int huys van ghempe/ inde dorpstrate te loven(en) en(de) dat dair claer gevorwert/ was dat den ryns guld(en) altoes betaelt soude(n) worden/ met xix(½) stuvers ende de getuygen hier af wae(re)n/ jan vander schueren en(de) arnt borremans Ende vand(en)/ ande(re)n pointen kynde de vors(creven) jan schoeves voir/ de vors(creven) segge(re)n dat hij int aenveerden d(er) vors(creven) goede/ van dien pointen gheen swerich(eit) en maecte De/ voirs(creven) seggers hebben oic gehoert he(re)n arnde vync/ op sijne consiencie die claerde dat hij sijnen tijt/ dat hij profst te gempe was te vreden was met/ xix(½) st(uvers) den guld(en) mits dat hij inde voirgaende/ rekeninge dat also vant betaelt en(de) dat die wy(n)ne/ seide dat hij niet wederstaende den scepen(en) brieven/ thoenen woude met goeden mannen dat also besproken/ was eod(em) die