Vanden gedinghe dat was voer meye(r) en(de) scepen(en) van loeven(en) tussce(n)/ den he(re)n deken en(de) cap(it)le van s(in)te pet(er)s te loeven(en) vander selver/ cap(it)len wegen aenlegge(re)n in deen zijde en(de) he(re)n laureyse van/ maelcote prieste(r) capellaen inder selver cap(it)len kercken ver/ weerde(r) in dande(re) alse van xix d(enieren) bone erf outs chijs die/ tvoirs(creven) cap(it)le yesch ende meynde te hebben(e) aen ende op een/ huys met zijnen toebeh(oerten) [wilen] des voirs(creven) he(re)n laureys nu jacops/ van rillair gelege(n) inde scrijnstrate tusscen een huys jans vand(er)/ valporten was en(de) den uutgang vanden huyse was jans wile(n)/ vander stoct smets van welken chise de voirs(creven) aenlegge(re)n/ uuterlijc boden behout te doene Dair toe de wederp(ar)tie meynde/ dat zij niet geadmitteert en souden werden sonder ander be/ scheit oft tytel totte(n) voirs(creven) geeyschte(n) chise te hebben dan zij/ voirts stelden Werdt gewijst bij den he(re)n scepen(en) va(n) loeven(en)/ ter manisse(n) smeyers dat de voirs(creven) aenleggere(n) in desen/ verdoolt ware(n) soe v(er)re dat noch voir scepen(en) come(n) was/ cor(am) o(mn)ib(us) scab(inis) ja(nuarii) xi