Allen doen cond dat opde(n) dach van heden datu(m) va(n) desen/ voir ons come(n) is in p(ro)pren p(er)sone wynand van cuylenborch/ wettich sone hubrechts wilen van cuylenborch gebore(n) inde(n)/ lande van ghelre en(de) heeft geconstituert gesedt volcomen/ macht p(ro)curacie en(de) auc(tori)teyt gegeven sonder e(n)nich wederroepe(n) he(r)/[ja(n)ne de grove priester capellaen der kercken va(n) s(in)t peters te loeven(en)] Om te verwaren te heffen te boiren en(de) tontfangen guedinge/ en(de) vesticheit tontfane [te neme(n)] van janne beys en(de) margiete(n) tesch/ zijnre weerdinne(n) voir wet tantwerpen [na inhoudt va(n) i uutsp(ra) ke aldair gesciet voir jan schoyte voir a(nn)[o] lxxi oct(obri) xxx[ta]] vanden huyse gehete(n)/ de(n) m(er)sma(n) mette(n) toebehoirte(n) gelege(n) inde stad van antwerpe(n)/ aende m(er)ct op alsulke(n) co(m)mer ende last als d(air) op stont ter/ tijt doen henric van blakenbroec tselve huys met rechte/ ter vierscharen aldair uutwan ende tselve huys wed(er)om/ te v(er)coepe(n) te v(er)huere(n) oft ten erfchise oft anders uut ge/ geven en(de) dair af den coep(er)e oft huerling alle behoirlike/ en(de) behoeflike vesticheyt te doen na recht usagie en(de) costu(m)e/ van antwerpe(n) En(de) ofts noot geboirde voir alle richte(re)/ gheestelijc en(de) weerlijc met rechte alle sake(n) desen aengaen(de) des/[d(air) ae(n) cleve(n) mochte] te (con)teste(re)n te decline(re)n texcipiere(n) te reco(n)veniere(n) te v(er)antwerde(n)/ te bescudde(n) te bedinge(n) te [requireren] wynne(n) te verliese(n) alle gescrifte(n) en(de)/ libelle(n) ov(er) te geve(n) en(de) te neme(n) te replicere(n) te duplice(re)n alsoe/ wel int p(ri)ncipael als int accessoir alsoe dicwile en(de) menich/ w(er)ve(n) als des te doen sijn sal getige(n) met rechte v(er)sueke(n) bedwon/ gen te werde(n) tot huere(n) deposicie(n) die te leyde(n) der wed(er)p(ar)tie(n)/ getuigen te sien zwere(n) die te battere(n) (et)c(etera) ende voirtaen ge/ neralijc ende specialijc dairinne te doene en(de) te vorde(re)n allet/ tgene des de voirs(creven) wijnand selve doen en(de) vorde(re)n soude moege(n)/ waert dat hij telker tijt en(de) plaetse(n) jeg(enwordich) en(de) voir oege(n) ware/ p(ro)mitt(ens) ratu(m) januarii xxiii