Vand(en) geschille(n) en(de) twisten die geweest zijn en(de) gehange(n) hebbe(n)/ tussce(n) janne hazaert sone wilen joes die tot des na bescr(even)/ is v(er)vange(n) heeft pete(re)n en(de) ka(tlij)[ne(n)] hazarts zijne(n) brued(er) en(de) zuster/ en(de) alle de wettige kijnde(re) d(er) selver ka(tlij)[ne(n)] die zij heeft behoude(n)/ va(n) wille(m) wijle(n) bowerijn in deen zijde willem(me) vande(n) hove/ gehete(n) van bolloe en(de) ja(n)ne vissenaecx de(n) jonge(n) die oec/ v(er)vange(n) hebbe(n) mag(ri)te(n) docht(er) vrancx wile(n) [vand(en)] hove huerre/ moeyen henr(icke) kyp voir he(m) selve(n) v(er)vangen(de) in desen ada(mme)/ coenrarts en(de) zijn wijf zuster des voirs(creven) henricx anth(onise)/ bollens als gemechticht en(de) va(n) wege(n) lijsbette(n) zij(n)re moed(er)/[en hij oic in dese(n) verva(n)ge(n) heeft] henr(icke) vand(er) heergrecht als mo(m)boir en(de) inde(n) name va(n) he(m)/ en(de) lijsbette(n) vande(n) hove zijne(n) wive welke henr(ic) vander/ h(er)grecht v(er)vangten in desen janne bollens brued(er) des voirs(creven)/ anth(onijs) alse van zekere(n) goede(n) te w(er)chte(r) en(de) d(air)omtr(ent) gelege(n)/ die aert wile(n) va(n) kyexha(m) [ald(air)] te houde(n) plach hebbe(n) hen/ de selve p(ar)tie gesubmitt(eert) en(de) verbonden inde eendrechtige/ uutsprake ar(nol)[di] kyp ge(rar)[d(i)] van bauss(ele) adriaens petri bedel/ en(de) jannes opden berch rintm(eeste)r te rotsel(ai)r In sulk(er) vuege(n)/ dat de selve seggere(n) hue(r) eendr(echtige) uutsp(ra)ke opde selve gescille(n)/ en(de) twiste(n) doen sele(n) binne(n) derde(n) dage naistcomen(de) p(ro)mitt(entes)/ ratu(m) Dese submissie aldus gepasseert [voor de scepen(en) nae bescreve(n) [en(de)]] in p(rese)ncie(n) der voirs(creven)/ p(ar)tie(n) soe v(er)re zij de voirs(creven) submissie gepass(er)t hebbe(n) hebbe(n)/ de voirs(creven) seggers [ov(er)]mits voirgaen(de) infor(ma)cie(n) bij hen genome(n)/ en(de) oec genoech bij (con)se(n)te d(er) submitte(re)nd(er) p(ar)tie(n) hue(r) uutsp(ra)ke/ eendr(echtich) gedaen ind(er) manie(re)n h(ier) na v(er)cleert Te weten/ dat de(n) voirs(creven) jan hazart met zijne(n) medep(ar)tie(n) die hij/ v(er)vange(n) heeft volge(n) sal van nu voirtaen erflijc tot/ ewige(n) dage(n) deen helicht va(n) alle(n) de(n) voirs(creven) goede(n) en(de)/ rinte(n) d(air) questie af was alsoe wale die come(n) zijn en(de)/ te houde(n) plaghe(n) jan wile(n) va(n) kyecxha(m) de voirs(creven) wile(n)/ aert van kyexha(m) oft [als] ka(tlij)[ne] liedekens en(de) vande(n) selve(n) va(n)
//
kyexha(m) oft de(n) huere(n) niet v(er)cocht noch v(er)tiert en zijn En(de)/ dand(er) helicht der selver goede(n) sal volghe(n) den ande(re)n p(ar)tie(n)/ voirg(enoemd) Alle tsame(n) elke(n) opde helicht vande(n) last en(de) co(m)me(re)n/ uut de(n) selve(n) goede(n) gaende sond(er) bove(n) dese(n) deen dandere/ voir hen oft huere(n) nacomelinge(n) [namals h(ier)af] te moeye(n) oft te vexere(n)/[in eniger wijs] en(de) dat beyde de voirs(creven) p(ar)tie(n) de deylinge vande(n) voirs(creven) goede(n)/ selen doen alsoe dat de stucke(n) en(de) p(ar)tie(n) vande(n) goede(n) en(de)/ rinte(n) geheel selen blive(n) telker zijde(n) [voe(r)] soe v(er)re dat mer/ gelijc zij [om doen] Hier inne v(er)staen dat de voirs(creven) jan hazaert/ en(de) zijn medep(ar)tie oec half hebben selen dien hong(ar)sche/ guld(en) erflijc die alijt vand(er) donck sculd(ich) is [van hue(re)r goede(n) te werchtere] en(de) die(n) halve(n)/ r(yns) guld(en) erflijc die wille(m) claes oec ald(air) sculd(ich) is van/ zeke(re)n zijne(n) goede(n) te w(er)chte(r) gelege(n) niet jege(n)staen(de)/ dat de selve jan hazaert en(de) zijn medep(ar)tie jege(n) de/ voirs(creven) ii porceele(n) eens deylinge moege(n) hebbe(n) gehadt/ It(em) is voirt d(er) segge(re)n uutsp(ra)ke want het schijnt dat/ onder de voirs(creven) goede ligge(n) soude i dach(mael) bempts/ ten ynde [dat leen soude weze(n)] Soe v(er)re de voirs(creven) seggere(n) duechdelijc be/ vinden oft dat also bevonde(n) wordt dat de(n) rechte ge/ noech zij dat tvoirs(creven) dach(mael) leen is dat in dien gevalle/ de(n) voirs(creven) ja(n)ne hazart en(de) zijnre medep(ar)tie(n) [dat] alleene/ volghen sal en(de) oft dat niet bevonden en wordt leen/ zijnde dat dan gedeylt sal worde(n) ind(er) maten ende/ gelijc de(n) anderen goeden voirs(creven) It(em) is vorts de/ uutsp(ra)ke dat de br(ieve) van desen goede(n) ond(er) wet te/ loeven(en) staende ald(air) blive(n) selen te(r) orboe(r) beyde d(er) p(ar)tie(n)/ voirs(creven) tot dat de deylinge voirg(eruert) [tussche(n) de vors(creven) p(ar)tie(n)] gedaen en(de) v(er)tege(n)/ sal zijn om d(aer)entynden die te volge(n) de(n) ghene(n) dien/ de goede dair inne beg(re)pen toebehoire(n) sele(n) En(de) oft ind(er)/ saken n van nu voirtane enige duyst(er)nisse oft div(er)s v(er)ste(n)nisse/ viele d(air) af behoude(n) de voirs(creven) segg(er)s hue(r) eendr(echtige) vercle(re)n/ en(de) tussce(n) dit en(de) paessche(n) naestcomen(de) gedaen te werde(n)/ d(air) inne hebbe(n) oic de p(er)sone voirs(creven) hen p(rese)ntte(re)nde/(con)sent gedrage(n) [sulle(n)] cor(am) opp(endorp) dor(ma)le ja(nuarii) xxvii