Item vanden stoete en(de) questien die is tusschen vrancken/ willem(air) als aenlegger in deen zijde en(de) gielis van duffle/ verwerde(r) in dandere aengaende der renten van x/ pet(er)s tsjars erflic ter quijtingen die de vors(creven) vrancke/ meynt te hebben en(de) hem toegewijst te zijne ond(er)/ den ande(re)n op seke(r) onderpande te foul gelegen den/ vors(creven) gielise toebehoe(re)nde dair seke(r) vo(n)nisse van/ scepen(en) van loven(en) afgeloepen zijn Hebben hen de/ selve p(ar)tien te beiden zijden gesubmitteert ende/ verbonden inde eendrechtige uutsp(ra)ke lodewijcx/ roelants en(de) jans vand(er) borch hue(re)r gemeynd(er)/ vriende de welcke alle informacie(n) die totter/ materien dienen mogen nemen sullen en(de) doen/ hue(r) eendrechtige uutsp(ra)ke bynne(n) xiiii nachten naest/ comen(de) op dat hen mogelijc zij En(de) oft zijs niet/ gedoen en conne(n) zoe sullen zij bynne(n) viii dagen/ d(air) na de sake overgheven en(de) stellen in handen/ he(re)n jacops uuten lyemi(n)gen ridde(r) die zijn/ uutsp(ra)ke dan d(air) af doen sal bynne(n) xiiii nachte(n)/ d(air) na volgen(de) p(ro)mitt(ens) rat(um) En(de) oft de vors(creven)/ sake bij seggers oft ov(er) man vors(creven) niet gesleten/ en wordt so sal die wordde(n) gehandelt bijd(en)/ raide m(ijns) gened(ichs) he(re)n dair die betogen is bij appel/ lacien des vors(creven) gielis en(de) sal den dach d(air) toe/ voir den selven raide dienen des dijsend(ags) na/ half vasten naestcomen(de) te compareren gelic alse/ quarta febr(uari) naestc(omende) gedaen zoude hebben en(de)/ sullen p(ar)tien bij hem oft hue(re)n procur(eur)s den vors(creven)/ iiii dage van febr(uari) doen verstellen totten vorscr(even)/ dijsendaghe na half vasten(en) cor(am) b(er)th(em) maes ja(nuarii) p(e)n(u)lt(ima)