Item vander saken die voir den raide vand(er) stat quam/ tusschen janne de putte(re) sone wilen arnts in deen/ zijde en(de) katlijne(n) va(n) lantsacker in dande(re) om die/ twintich ryns guld(en) die arnt wilen de putte(re) in/ sijnen uutersten geordineert hadde zijnen natuer/ liken kynde aengeleeght te worden aen lijfpensien/ na zijn doot en(de) dair af de pe(n)ninge staen inden/ wissel Dair [af] p(ar)tien [niet] en conde(n) vand(er) manie(re)n van/ aenleggen niet veraccorde(re)n soe wert get(er)mijnert/ bijden raide vand(er) stat p(ar)tien in weder sijde aen/ gehoert in allet ghene des zij wouden seggen
//
voir reden(en) en(de) recht dat zij de vors(creven) xx r(yns) guld(en) aengeleeght/ sullen worden ten live vand(er) vors(creven) katlijnen d(er) moed(er) en(de)/ vand(en) kynde en(de) des lanxst leven(de) behalven den kynde/ sijn vorheffen En(de) dat de vors(creven) jan de oem vand(en) selven kynde/ oft ande(r) vriende vanden vader de jairlixsche p(ro)fijten/ der vors(creven) lijfpensien heffen sullen zoe lange zij last hebben/ vanden selven kynde te houden behalven oic oft die/ afgeleeght wordd(en) datmen de pe(n)ninge weder om/ aenleggen sal ter geliker natue(re)n act(um) in pleno (con)s(ili)[o]/ januarii xv