Allen den ghenen die dese l(ette)ren sullen sien oft horen/ lesen zij cont dat opden dach van heden voir ons/ comen is in prop(er) p(er)sone roelant bastart van wesemale/ en(de) heeft geconstitueert gesedt volcomen macht p(ro)curacie/ en(de) auctoriteit gegeve(n) janne oliviers vleeschouwe(r)/ Te vervolghen te wynnen en(de) te verliesen alsulken/ questie als de voirs(creven) roelant uutstaen(de) heeft teghen/ bertelmeeuse vasont oft yemant and(er)s en(de) vortaen/ alle ande(r) questien die hij [anderssins] uutstaen(de) heeft oft namaels/ hebben sal mogen alle zijn jairgulde opcomi(n)gen v(er)vallen/ chijsen rente(n) erfpachten die hij heeft oft hem vallen sal/ Te verwaren te verantwerden te bedingen opte boren/ en(de) tontfangen tghewisde de voldoene d(air) [voir] te panden te/ dagen rasteme(n)ten te doen leggen getuygen te leiden/ d(er) wed(er)p(ar)tien getuygen te sien zwe(re)n die te batte(re)n en(de)/ hue(r) deposicie te wederleggen te replice(re)n te duplice(re)n/ also wael int principael als int accesoir composicie/ te maken quitancie te gheven En(de) vortaen generalic/ en(de) specialic allet ghene d(air) inne te doen en(de) te vorde(re)n/ des de selve roelant in p(er)sone selve zoude mogen doen/ elcker tijt oft hij tegenwordich en(de) voir ogen ware/ p(ro)mitt(ens) rat(um) salvo iusto calculo martii ix