Allen den ghenen die dese l(ette)ren sullen sien oft hoe(re)n lesen burg(er)meest(er)/ scepen(en) en(de) raide der stat van loven(en) saluyt Doen cont en(de) te weten/ dat opden dach datum van desen voir ons comen zijn in propren/ p(er)sone jouffruwe vriendeline van nethen(en) geheten vanden royele/ weduwe ottens wilen van cuyct geheten van hoeghstraten/ met eenen momboir hair tot desen verleent jan van cuyct hue(r)/ wettige sone p(ri)us emancip(atus) en(de) jan van nethen(en) geheten vand(en)/ royele hen neve te kynnen ghevende hoe dat gheert/ back geheten int woudt woenen(de) te mechelen voir hem/ en(de) sijnen medeplege(re)n verworven en(de) vercregen souden hebben/ van onsen gened(ichen) hee(r) den hertoge met seke(re)n sijnd(er) genaden/ beseghelden brieven remissie van alsulken aentast en(de) v(er)corttinge/ als de selve p(ar)tie aende voirs(creven) jouffr(ouw) vriendeline janne ende/ janne mogen hebben begaen gelijc en(de) alsoe des selfs ons/ gened(ichs) he(re)n brieve dat volcomentlic inne hebben en(de) begripe(n)/ Welcke remissie de selve gheert begheert en(de) versocht heeft/ gheinterineert te worden en(de) dair toe gedaeght met behoir/ liker intimacien de voirs(creven) jouffr(ouw) vriendeline janne en(de) ja(n)ne/ om de selve remissie te siene interine(re)n en(de) hebben dar/ om geconstitueert gesedt volcome(n) macht procuracie en(de) auctoriteit/ gegeven meest(er) aug(ustine) van nethen(en) gehete(n) vand(en) royele brued(er) des vors(creven)/ jans henricke cruypelant proofst van bygarden janne de beye(re) meest(er)/ arnde brau al(ia)s vand(er) strate(n) aut te ghane en(de) te contribue(re)n comparere(n)/ voir den hee(re)n p(re)sident en(de) raide des vors(creven) ons gened(ichs) he(re)n in/ zijnen lande van brabant om tot behoef der vors(creven) (con)stituenten/ tontfaen voir alle verificacien en(de) int(i)macie(n) alle alsulken/ gelooften va(n) twee wegen den eenen te rome en(de) den ande(re)n t(sint)/ jacops in galissien als de vors(creven) gheert voir scep(enen) va(n) lov(en) and(er)/ wilen gelooft heeft den vors(creven) janne van cuyc tsijnd(er) manesse(n)/ te doen Consenterende vort de vors(creven) (con)stituente dat de vors(creven)/ hue(r) procur(eur)s en(de) elc van hen sullen oft sal mogen aggreeren/ en(de) believen de vors(creven) verificacie en(de) int(er)imement van hue(re)n/ wegen te laten volcome(n) en(de) gescien also dat na recht behoirt/ behalve(n) altijt nochtan de vors(creven) gelooften vand(en) ii weghen/ in hue(re)r macht zond(er) den vors(creven) gheerde d(air) inne e(n)nich/ belet hynd(er) oft p(re)judijs te doen oft in (con)trarien van dien/ yet te attempteren p(ro)mitt(ente)s rat(um) maii xi