Item vander questien die geweest is tusschen janne cole/ cleermake(r) sone wilen jans in deen zijde en(de) janne leerse sijnen/ swagher met janne meys sijnen behouweden sone alle va(n)/ houdert in dander alse va(n) xv halster corens erflic en(de) iii mottoene/ oic erflic die de rectoir vanden outare va(n) ons(er) liev(er) vruwen int/ beghijnhof te loven(en) heeft op zeke(r) goede d(er) vors(creven) geswage(re)n/ en(de) arnts cole brued(er) des vors(creven) jans en(de) katlijnen cole wettige/ dochter henr(ix) wilen cole die oic brueder was des vors(creven)/ jans en(de) arnts te houdert gelegen sijn de voirscr(even)/ p(ar)tien overcomen mynlic en(de) eenswordden voir hen hue(re)n/ erven en(de) nacomelingen des hier na volght dwelc sij/ malcande(re)n gelooft hebben tonderhouden gestentichlijc tot/ eeuwegen dagen Te weten(e) dat de voirs(creven) jan cole dair/ af jairlix ghelden sal een half mudde rox en(de) eene(n) mottoen/ en(de) de vors(creven) jan leerse met janne leerse meys seven/ mol(evate) rox en(de) eenen mott(oen) met condicien wart dat e(n)nich/ vand(en) voirs(creven) p(ar)tien gebreckelic wae(re) in zijnd(er) betalinghen/ ende dander die wel betaelde dair om e(n)nigen cost/ last oft schade lede dat die opden gebreckeleken en(de) zijn goede/ alle dien last met rechte sal mogen verhalen ende/ verreiken cor(am) berthem maes ja(nuarii) xvii