Van der questien die voer den raide vander stat comen es tusschen/ andriese bernts als aenlegge(r) in deen zijde ende he(re)n arnde vand(er)/ dussen co(m)mandeur tot ghemert verweerde(r) ter ande(re) dair de vors(creven)/ andries begheert heeft ende versocht dat de vors(creven) (com)mande(u)[r] oft/ claes oem van bochove(n) zijn borghe bedwongen worddde(n) hem te/ voldoene (en)de te volvue(re)ne alsulken vo(n)nissen alse bij scepen(en) van loven(en)/ den scepen(en) vand(en) bossche in eene(n) hootvo(n)nisse vand(en) selve(n) scepen(en)/ vanden bossche gehaelt lestwerf tuussce(n) de vors(creven) p(ar)tien gegeven/ was en(de) vand(en) pointe(n) die inden selve(n) vo(n)nisse den voirs(creven) andriese/ mede en(de) den voirs(creven) (com)mande(u)[r] tegen gewesen wae(re)n Dair tegen/ de voirs(creven) (com)mande(u)[r] hem geopponeert heeft sustine(re)nde bij eene(n)/ appointem(en)te naeden selve(n) vo(n)nisse van scepen(en) van loeven(en) uut/ gesproken int scepen(en) register staen(de) de data aug(usti) xxv a(nn)[o]/ lxix onder gerarde van baussele secretar(is) (et)c(etera) belieft bij/ claese van lymborch als hebben(de) volcomen p(ro)curacie vand(en)/ voirs(creven) andriese onder segel der stat vand(en) bossche en(de) den/ voirs(creven) (com)mande(u)[r] en(de) voirt vand(er) arbitraeld(er) uutspraken/ gedaen bijden voirs(creven) scepen(en) van loeven(en) acht(er)volgen(de) den/ voirs(creven) appointem(en)te oic ge(re)gistreert staen(de) onder meest(er)/ janne calabar secretar(is) (et)c(etera) de data septembr(is) xxix eod(em) a(nn)[o]/ dat hij met voldoene der selver uutspraken zoude gestaen/ zond(er) boven dien vand(en) voirg(eruerden) vo(n)nisse bij den vors(creven) andriese/ gepraemt te mogen wordde(n) ende seide dat dat alsoe van/ rechts wegen behoirde en(de) dat hij die arbitrael uutsprake/ hadde voldaen Dair af p(rese)nteerde hij soe vele bewijs te doene/ dat den rechte genoech soude sijn mits vijftich mudde(n) rocx en(de)/ acht rinsche gul(den) die hij onder tgherichte te(n) bossche nae der selv(er)/ uutspraken ten voldoene van dier tot behoif des vors(creven) andries/ hadde gesedt Hopen(de) al mocht dien rogge met rechtvordering(en)/ van eenig(en) creditue(re)n des vors(creven) andries den selve(n) andriese/ ontogen sijn dat hem dat tot gheenre ontstaden en conde gecome(n)/ mair dat hem betali(n)ge soude maken en(de) dat hij bijden reden(en) voirscr(even)/ en(de) meer ande(re)n munimente(n) en(de) cleerniss(en) die hij dede en(de) exhibeerde
//
der ticht des voirs(creven) andries namelic uut saken vand(en) vors(creven) vo(n)nisse(n)/ ongehoude(n) zijn soude en(de) met voldoene der vors(creven) uutspraken soude/ gestaen Vanden welken de vors(creven) andries ter (contra)rien seide dat de vors(creven)/ claes van lymb(orch) al mocht hij sijn p(ro)cur(eur) sijn geweest zoe en hadde/ hij nochtan met sijnre p(ro)curacien gheen macht gehadt and(er)s dan/ dexecucie vand(en) vors(creven) vo(n)nisse te volgen mair niet in egheenen/ appointem(en)te te treeden ende al hadde hijt dan gedaen zoe waest/ al machteloes en(de) van onweerde(n) want hij woude bewijs(en) met goede(n)/ ma(n)nen ofts noot wae(re) dat ter tijt dat hij den vors(creven) claese p(ro)curacie/ gaf gevange(n) lach en(de) hem doen laste ende verboot niet anders/ te volgen dan dexecucie vand(en) gewijsden mits welke(n) reden(en)/ en(de) meer ande(re)n bij hem gealleg(er)t hij noch meynde te staene op/ dbeloep van zijnen vors(creven) vo(n)nisse en(de) versocht ze(er) e(r)nstelic dexecucie/ van dien D(air) op de vors(creven) (com)mande(u)[r] replice(re)nde seide hoet openbair/ was dat de vors(creven) andries met desen verdoolt wae(re) want hij hadde/ tvoirs(creven) appointem(en)t geadvoeert en(de) hem gepijnt eensdeels dair/ mede te behulpen ende al mocht hij te(n) tide vand(en) vors(creven) appoin/ tem(en)te gevangen zijn dat was van zeke(re)n sculden d(air)mede hem/ ande(r) p(ar)tien dan de vors(creven) (com)mande(u)[r] hadden belast en(de) zoe hadde/ hij die tvoirs(creven) appointem(en)t wiste en(de) niet geignore(re)n en conste/ zeder meer dan een jair ontslagen geweest en(de) nochtan opt vors(creven)/ appointem(en)t vord(er)nisse gedaen en(de) hem niet gepijnt dat te weder/ staene Ende alsoe (con)cludeerde noch de voirs(creven) (com)mande(u)[r] dat hij mette(n)/ voldoen vand(en) voirs(creven) appointem(en)te gestaen zoude zonder dat boven/ dien mette(n) vors(creven) vo(n)nisse hij oft zijn borge gepraemt souden/ wordde(n) Wart ten uut(er)sten bijden vollen raide vand(er) stat/ nae alle tgene des vand(en) selve(n) p(ar)tien zoe mu(n)delinge zoe bij/ gescrifte zoe bij c(er)tificacien was innebracht en(de) die gehoort in al/ dat zij woude(n) seggen get(er)mineert en(de) den selve(n) p(ar)tien uutgesp(r)[o]ken/ dat elke van(den) p(ar)tien alsoe verre alst hem aengaet gehouden
//
zijn soude int voldoen vand(er) uutspraken bij scepen(en) van loeven(en)/ gedaen sept(embris) xxix utsup(ra) oft te bewijsen(e) die voldaen te hebben(e)/ Welke uutsprake gedaen zijnde beide de vors(creven) p(ar)tien hebben aenge/ nome(n) en(de) belieft Ende dien acht(er)volgen(de) was de vors(creven) andr(ies) vand(er)/ betaling(en) der vors(creven) vijftich mudde(n) rogg(en) in sijnre scult betaelt/ zijnde te vrede(n) ende als vand(en) acht rinsche gul(den) d(air) af was bij/ p(ar)tien (con)sente voort getracteert dat de vors(creven) (com)mande(u)[r] sond(er) p(re)judijs/ and(er)ssins van sijne(n) rechte de vors(creven) acht rinsche guld(en) onder trecht/ ten bossche gesedt wed(er)om te hemw(er)t trecke(n) soude en(de) den voirscr(even)/ andriese die mits quitan(cie) betalen Ende de coste(n) van p(ar)tien in/ desen p(ro)cesse gedaen zijn ge(com)penseert om seke(r) reden(en) den wethoude(re)n/ d(air) toe dienen(de) ende vand(er) coste(n) bijde(n) vor(screven) p(ar)tien voirmaels soe/ sij segg(en) voer den raide ons gened(ichs) he(re)n ts(er)tog(en) te bruessel ts(er)toge(n)/ bossche en(de) te luydic gedaen vand(en) welk(en) zij in divers(en) manie(re)n/ opde(n) ande(re)n eysch maicte(n) d(air) af blijft noch elke vand(en) selven/ p(ar)tien op sijn beloep van zijne(n) rechte om die te volge(n) dair/ en(de) alsoe dat sal behoe(re)n sal uutgesproke(n) geaccordert ende/ get(er)mineert inden raide vand(er) stat ap(ri)lis x