Item gerard(e) van baussele secretaris der stat van loven(e) heeft gelooft/ wille(m)me maes nutertijt scepen(e) van lov(en) dat hij ter manessen des/ selfs willems altijt comen sal bijden abt des godshuys van vierbeke/ en(de) bijden leenboeke des selfs godshuys van vlierbeke oft bijden ghene(n)/ die des selfs leenboec mechtich sal wesen en(de) contente(re)n en(de) willeco(r)en/ aldair te nyeuwete gedaen te worden en(de) gea(n)nicheleert alsulken/ guedinge van vi ryns guld(en) erflic die te quiten stonden elcken/ pe(n)ninc met xvi d(enieren) en(de) met vollen renten als symoen vander/ hofstat vortijts vercocht hadde den voirs(creven) gerard(e) op zijn leen/ goede te corttelke om corbeke over dijle gelegen vand(en) vors(creven)/ godshuyse te leen gehouden die nu den vors(creven) willem(me) toebehoe(re)n/ want de vors(creven) willem(me) die den vors(creven) gerarde dueghdelijc/ met gereeden pe(n)ningen afgeleeght en(de) gequijt heeft Scelden(de)/ dair om vanden pe(n)ningen d(er) voirs(creven) quitingen [metten achterstelle] gedragen(de) hondert/ xiiii r(yns) gul(den) te xxi st(uvers) tstuc vanden principalen metten achten/achterstelle te weten(e) vand(en) principalen xcvi en(de) va(n) achterstelle/ xviii d(er) selver guld(en) volcomentlic quijt den voirs(creven) wille(m)me/ maes en(de) sijnen nacomelingen en(de) allen ande(re)n des quitancie/ behoeven blanck(art) maes oppend(orp) aprilis xii