Item vanden gedinge dat geweest is inde banc voir meye(r) en(de) scepen(en)/ van loven(en) tusschen willem(me) van haesdonc voirspreke aenlegg(er)/ ter eend(er) en(de) johannen tamginsart weduwe jans wilen cools/ ter ande(r) sijd(en) alse van diversen pijne arbeide en(de) v(er)diende loen/ van xxxvi holl(andsche) guld(en) die hij verdient hadde beide voir/ m(ijnen) gened(ichen) he(re)n raide en(de) voir den raide vand(er) stat van lov(en)/ int vervolgen van zeke(re)n wijne(n) en(de) and(er)s te zijne(n) coste bij/ tijden des vors(creven) jans cools tzijne(n) en(de) te hue(re)n v(er)sueke te/ voete en(de) te perde en(de) w Seggen(de) want de selve joha(n)ne/ de have van hue(re)n vors(creven) man hadde aenvert en(de) d(air) inne/ na zijn doot was bliven sitten(de) dwelc hij boet te bewisen/ dat zij hem dan vand(en) vors(creven) sijnen arbeide die hij p(rese)nteerde/ met sijnd(er) eet te verifice(re)n soude voldoen dair toe de/ voirs(creven) willem dach va(n) thoenen nam Dwelc de voirscr(even)/ johanne hem geheelic en(de) al ontkinde seggen(de) dat zij hem/ noeyt te wercke gestelt en hadde noch oic datmen oic/ niet bevinden en soude dat zij e(n)nighe have na huers/ mans doet aenveert [hadde] oft d(air) inne wae(re) bleve(n) sitten(e) hopen(de)/ mits dien d(er) vors(creven) aensp(ra)ken ongehouden te zijne En(de)/ want de voirs(creven) willem niet gethoent en heeft des hij hem/ v(er)meten hadde hoe wel dat hij d(air) toe dach ghehadt heeft/ tot div(er)sen stonden Soe hebben de vo(n)nissen d(er) scepen(en)/ van loven(en) gewesen t(er) manessen smeyers wair de voirs(creven)/ willem ten opstane smeyers en(de) d(er) scepen(en) met sijne(n) thoene/ niet vort en voe(r) dat de vors(creven) johanne tamginsart/ vand(er) vors(creven) aenspraken ongehouden zijn soude p(rese)ntib(us) scab(inis)/ in scampno dempt(o) meld(er)t maii v