It(em) dit bekin is gedaen om dat hen de voirs(creven) borghe(n)/ en(de) elc van hen te huerre geliefte(n) sele(n) moege(n) ontheffe(n)/ en(de) doen ontslaen va(n) der borchtocht voirscr(even) en(de) va(n) alle/ coste(n) en(de) lasten d(aer) op comen(de) het ware(n) coste(n) va(n) rechte oft ande(re)/ En(de) dat meer is hebbe(n) de voirs(creven) moed(er) en(de) sone gelooft ind(ivisim)/ de(n) vors(creven) meester pete(re)n binne(n) vi weke(n) naestcomen(de) in/ hande(n) te sette(n) op huers selfs cost voir des voirs(creven) is en(de)/ ande(re)n sake(n) d(aer) hij voir borghe steet oft namaels staen/ soude moege(n) alsulke(n) goede als zij hebbe(n) omtrint werchte(r)/ te leene gehoude(n) vande(n) edele(n) he(re) de(n) greve va(n) salme(n) alsoe/ v(er)re het hen aengheet cor(am) eisd(em)